دنیا آزیق-آوقت دستورینینگ ایتیشیچه، پاکستان و ایراندن ایکّی یریم میلیوندن آرتیق مجبوري قَیتگن مهاجرلر بیلن افغانستان کتّه باسیم آستیده قالماقده.
دستور بوگون (دوشنبه ۱۹ عقرب) ایکس آرقلی بېرگن خبریده، کۉپلب عایلهلر، جملهدن آنهلر و آزیقلنیشی یېترلی بۉلمهگن بالهلر بیلن افغانستانگه قَیتهیاتگنی ایتیلگن.
شونینگدېک دنیا آزیق-آوقت دستوری، یونان دولتی کبی همکارلر آرقلی قبول و ترانزیت مرکزلریده، آنهلر و بالهلر اوچون آزیقلنتیریش خدمتلری آرقلی عایلهلرگه حیاتي یاردم کۉرسهتیشینی بیلدیرگن.
سۉنگگی پیتلرده پاکستاندن افغانستانلیک مهاجرلرنینگ چیقریلیشی کوچهیگن، شو بیلن بیرگه، ییل باشیده ایراندن قَیتیش و چیقریش کۉپراق بۉلگن.
بیرلشگن ملتلر تشکیلاتینینگ معلوماتلریگه کۉره، فقط جاري ییلده ایران و پاکستاندن ایکّی یریم میلیوندن آرتیق مهاجر افغانستانگه قَیتگن.
مذکور تشکیلاتنینگ رسمی حساب کتابی بۉییچه،۲۰۲۳ ییلدن باشلب پاکستاندن چیقریش جریانی باشلنگندن بېری، افغانستانگه تۉرت میلیوندن آرتیق مهاجر قَیتریلگن.
مهاجرلرنینگ قَیتیشی دوام اېتهیاتگن بیر پیتده، افغانستان انساني بحرانگه دوچ کېلماقده و خلق ارا یاردملر هم کمهیگن.
