استانبولده طالبلر و پاکستان اۉرتهسیدهگی مذاکرهلرنینگ موفقیتسیز یکون تاپگنیدن سۉنگ، ایران تشقی ایشلر وزیری عباس عراقچی ایککی تاماننینگ تشقی ایشلر وزیرلری بیلن تیلفون آرقهلی صحبتلشیب، ایراننینگ بو بارهده «ایجابي رۉل» اۉینش پیشنهادینی ایلگری سوردی.
طالبان تشقی ایشلر وزیرلیگی بوگون (یکشنبه، ۱۸ عقرب ) اعلان قیلگن بیاناتیده گروهنینگ تشقی ایشلر وزیری امیرخان متقي و عباس عراقچی اۉرتهسیدهگی صحبت حقیده خبر بېردی. بیاناتگه کۉره، عراقچی طالبان و پاکستان اۉرتهسیدهگی معمالرنی ملاقات یۉلی بیلن حل اېتیش ضرورلیگینی تأکیدلهگن.
شونینگدیک عراقچی، پاکستان تشقی ایشلر وزیری محمد اسحاق دار بیلن صحبتده هم کابل و اسلام آباد اۉرتهسیدهگی فرقلرنی برطرف اېتیش و تنگلیکنی کمهیتیریش اوچون ملاقاتنی دوام اېتتیریش مهملیگینی ایتگن همده تهران بو بارهده همکارلیککه تیارلیگینی بیلدیرگن.
طالبان تشقی ایشلر وزیرلیگینینگ بیاناتیده ایتیلیشیچه، عراقچی امیرخان موتقي بیلن تیلفونی صحبتده ایراننینگ طالبان و پاکستان اۉرتهسیدهگی مذاکرهلرده «ایجابی رۉل» اۉینشی ممکنلیگینی تکلیف قیلگن.
امیرخان موتقي، «پاکستان بیلن معمالرنی دیپلوماتيک و اۉز ارا توشونیش یۉلی بیلن حل اېتیش بیزنینگ اوستوار وظیفهمیزدیر. طالبان هیاتی استانبولدهگی مذاکرهلرده مخصوص صلاحیت و اېزگو نیت بیلن اشتراک اېتد» دېب تیلگه آلگن.
«اوچینچی باسقیچ مذاکرهلرده پاکستان تامانی هېچ قندهی مسوولیتنی اۉز ذمّهسیگه آلیشگه تیار اېمس اېدی، شو سببلی انیق نتیجهگه اېریشه آلمهدیک» دېیه تیلگه آلگن طالبلر تشقی ایشلر وزیری متفی.
سۉنگگی مذاکرهلر تورکيهنینگ استانبول شهریده بۉلیب اۉتگن بۉلیب، جمعه کونی کېچقورون نتیجهسیز یکونلندی و ایکّی تامان بیر-بیرینی سبوتاژده عیبلهدی.
بوندن ایلگری طالبان سۉزلاوچیسی، «پاکستان هیاتینینگ مسوولیتسیز مناسبتی و همکارلیک قیلمسلیگی طفیلی اسلامي امیرلیکنینگ اېزگو نیتی و واسطهچیلرنینگ سعی-حرکتلریگه قرهمهی، هېچ قندهی نتیجهگه اېریشیلمهدی» دېب اورغولهدی.
پاکستان اخبارات وزیری عطاءلله طرار «پاکستان اۉز موضعیده ثابت، افغانستان توپراغیددن کېلهیاتگن ترورچیلیکنی نظارت قیلیش مسوولیتی افغانستان ذمّهسیدهدیر» دیر دېگن.
