بیرلشگن ملتلر تشکیلاتینینگ خوفسیزلیک کېنگشی بیر قطعنامه تصدیقلش بیلن، سوریه موقت جمهور رییسی احمد شرع و بو مملکت ایچکی ایشلر وزیری انس خطاب برابریدهگی تروریزمگه علاقهلی تحریملرنی بیکار قیلدی.
امریکا قۉشمه ایالتلری تامانیدن پیشنهاد بۉلگن اوشبو قطعنامهگه بیرلشگن ملتلر تشکیلاتی خوفسیزلیک کېنگشینینگ ۱۴ عضوی ایجابی رای بېردیلر و چین اېسه ممتنع رای بېردی.
امریکانینگ بیرلشگن ملتلر تشکیلاتیدهگی اېلچیسی مایک والتیز مذکور قطعنامه تصدیقلهنیشی «کوچلی سیاسی بېلگی» دېب، سوریه ینگی بیر باسقچده دېگن.
اونینگ سۉزلریگه کۉره، سوریه موقت دولتی ترورچیلر، مخدر ماده، هر قندهی بیر شیمیایی قوراللر قالدیقلرینی یۉق اېتیش، منطقهوی خوفسیزلیک و برقرارلیک کوچهیشی بۉییچهم مبارزه لریگه متعهدلیگی قۉشیمچه سوریلر رهبرلیگی و مالکیتیده همه شمول سیاسی بیر جریان تشکیل بۉلیشی اوچون عمل قیله دی.
سوریه نینگ بیرلشگن ملتلر تشکیلاتیدهگی نمایندهسی ابراهیم عبدالمالک العلبی، اولر اوشبو قطعنامهنی «ینگی سوریه، مردمی و اونینگ رهبریتیگه کون ساین ایشانچ بېلگیسی»نی انگلتهدی دېدیلر.
بیرلشگن ملتلر تشکیلاتینینگ خوفسیزلیک کېنگشی ۲۰۱۴- ییلده تحریر شام هیاتینی ترورچی بیر گروه اعلان قیلگن اېدی. شونینگدیک بو حرکت رهبری محمدالجولانی بیلن تانیلگن احمدشرع نی هم تحریم قیلگن اېدی.
بیرلشگن ملتلر تشکیلاتینینگ خوفسیزلیک کېنگیشی احمد شرع سفرلری منع بۉلیشی همده بایلیگینی موزلهتیشنی تحریم قیلگن اېدی.
بیرلشگن ملتلر تشکیلاتینینگ خوفسیزلیک کېنگشی احمد شرع کېلگوسی هفته امریکاگه سفر قیلیب امریکا جمهور رییسی دونالد ترامپ بیلن آق اویده اوچره شیشی ریجهلنتیریلگن بیر چاغده اونینگ اوستیدهگی تحریملرنی کۉتردی.
