پاکستان جمهور رییسی آصف علی زرداري رسمي سفری چاغیده قطر امیری شیخ تمیم بن حمد آل ثانی و مملکت مدافعه وزیری شیخ سعود عبدالرحمان آل ثانی بیلن افغانستان مسألهسی بۉییچه صحبتلشدی.
پاکستان جمهورلیک ریاستی بوگون (چهارشنبه ۱۴ عقرب) اعلان قیلگن بیاناتده ایتیلیشیچه، زرداري اوشبو اوچرهشووده قطرنینگ «دوحه مذاکرهلری آرقهلی افغانستان مسألهسیدهگی رۉلی»نی یوقاری بهالهگن.
بیاناتگه کۉره، جمهور رییس زرداري قطرنینگ مدافعه وزیری بیلن علیحده اوچرهشوو هم اۉتکزگن و ایکّی تامان منطقوي تینچلیک، اینیقسه افغانستانگه همکارلیک قیلیش بارهسیده اۉز ارا مجبوريتلرینی تصدیقلهگن.
قطر، تورکيه بیلن بیرگهلیکده، سۉنگگی بیر هفتهلیک تۉقنهشوولردن کېیین طالبان و پاکستان اۉرتهسیدهگی مذاکرهلرده واسطهچیلیک رۉلینی اۉینهیپتی.
طالبان و پاکستان مدافعه وزیرلری اۉرتهسیدهگی بیرینچی باسقیچدهگی مذاکرهلر قطرنینگ پایتختی دوحه شهریده اۉتکزیلگن اېدی.
پاکستان جمهور رییسینینگ قطر مسووللری بیلن اوچرهشووی اېرتهگه تورکيهنینگ استانبول شهریده باشلنهدیگن طالبان و پاکستان اۉرتهسیدهگی ینگی مذاکرهلر عرفهسیده بۉلیب اۉتماقده.
