پاکستان باش وزیرینینگ اۉرین باسری همده تشقی ایشلر وزیری اسحاقدار «طالبان» نینگ تشقی ایشلر وزیری امیرخان متقيدن آلتی مرته تیلفون قۉنغیراغی آلگنینی معلوم قیلدی.
جیو نیوز خبریگه کۉره، دار سهشنبه کونی سنا مجلسیدهگی نطقیده، «هر بیر تیلفون صحبتیده مېن بیر نرسهنی تأکیدلهگنمن افغانستان حدودی پاکستانگه قرشی ایشلهتیلمسین دېگنمن دېدی.»
اونینگ قۉشیمچه قیلیشیچه، «مېن افغانستان تشقی ایشلر وزیریگه، بیز فقط بیرته نرسهنی ایستهیمیز، افغانستان توپراغی پاکستانگه قرشی ایشلهتیلمهسین دېدیم. شونینگدېک، بو حالت اونی هم قیین وضعیتگه قۉیگنینی ایتدیم.»
اسحاقدار، پاکستان اسختبارات ادارهسی (آیاسآی) نینگ سابق باشلیغی جنرال فیض حمیدنینگ طالبان حاکمیتگه قَیتگنیدن بیر نېچه کون اۉتیب کابلگه قیلگن سفری حقیده گپیریب، شوندهی دېدی: «پاکستان نمایندهلری اۉشنده افغانستانگه‘ بیر پیاله چای ایچیش اوچون کېلگنلیکلرینی ایتیشگن اېدی، اما کیچیک خطالر قیمتگه توشهدی، بوندهی خطالر تکرارلنمسلیگی کېرهک.»
اونینگ سۉزلریگه کۉره، پاکستان و طالبان اۉرتهسیدهگی رسمي علاقهلر تۉرت ییل دوامیده تۉختهگن اېدی، اما او مذاکرهلر اۉتکزیش و کېلیشوو امضالش اوچون افغانستانگه سفر قیلگن. دار، «بیز نینگ یگانه طلبیمیز، افغانستان توپراغی پاکستانگه قرشی هجوملر اوچون ایشلهتیلمهسلیگینی تاکیدلش اېدی.»
پاکستان تشقی ایشلر وزیری ۶ نوامبرگه رېجهلشتیریلگن مذاکرهلر اۉز وقتیده اۉتیشی حقیده امید بیلدیرگن.
خبر بېریلیشیچه، طالبان و پاکستان اۉرتهسیدهگی ینگی مذاکرهلر باسقیچی اېرتهگه (پنجشنبه، ۱۵ عقرب) استانبلده بۉلیب اۉتهدی. اوّلگی ایکّی باسقیچده تامانلر هېچ قندهی نتیجهگه اېریشمهگن.
