انسان حقوقلری تشکیلاتی «ههنگاو» نینگ خبر بېریشیچه، ایران قیزیلحصار کرج قماقخانهسیده ایکّی افغانستانلیک قتل اېتگن.
تشکیلاتنینگ معلوماتیگه کۉره، بو ایکّی کیشی اوستیدن چیقرگن اۉلیم جزاسی چهارشنبه کونی (۷عقرب) اجرا اېتیلگن.
«ههنگاو» ، اوشبو ایکّی شخص اوّلراق زۉرلش (تجاوز بهعنف) عیبلاوی بیلن اۉلیم جزاسیگه حکم قیلینگن اېدی دېگن.
بو واقعه، اۉتگن هفته ایران تشقی ایشلر وزیرلیگینینگ حقوقي و خلق ارا ایشلر بۉییچه اۉرینباسری کاظم غریبآبادي کابلگه تشریف بویوریب، محکوملرنی تاپشیریش و جنایتچیلرنی قیتیریش مسألهلری بۉییچه طالبان رسميلری بیلن مذاکره اۉتکزگن بیر پیتده عملگه آشیریلماقده.
طالبان بوندن اوّل هم ایراندن اۉلیم جزاسیگه حکم قیلینگن افغانستان وطنداشلری اوچون مقابل جزا چارهلرینی کۉریب چیقیشنی سۉرهگن اېدی.
طالبان حاکمیتگه قَیتگندن بېری ایران تامانیدن افغانستان وطنداشلرینینگ قتل اېتیلیشی کېسکین آشگنی قید اېتیلگن.
