طالبان عدلیه وزیرلیگینینگ معلوم قیلیشیچه، یېر تالان-تاراجینینگ آلدینی آلیش و اېگهللب آلینگن یېرلرنی قَیتریش بۉییچه کمیسیون تشکیل تاپگنیدن بېری حاضرگچه تۉقّیزته شهرچهنی «امیرلیک ملکی» (یعنی دولتگه تېگیشلی) دېب اعلان قیلگن.
وزیرلیک نینگ بیاناتیگه کۉره، بو شهرچهلر مملکتنینگ تۉرت ولایتیده جایلشگن بۉلیب، ۵۰ مینگ جریبدن آرتیق یېر میدانینی اۉز ایچیگه آلهدی.
طالبان عدلیه وزیرلیگی، کابلدهگی ملا ترهخیل، سردارمحمد داوودخان و ملا عزت شهرچهلری، بلخدهگی خاید بن ولد شهرچهسی، میدان وردهکدهگی شهرک نو هرچهسی، غزنیدهگی حکیم سنایی نوآباد شهرچهلری، همده ننگرهاردهگی حاجی قدیر و اسحاق گیلاني شهرچهلری «امیرلیککه تېگیشلی» دېب بېلگیلنگن.
شونینگدېک، کابولدهگی آریا، منشی میر غلام، میرویس و حبیبالله زازی شهرچهلری نینگ اَیریم قِسملری هم «امیرلیک ملکی» صفتیده قید اېتیلگن.
وزیرلیکنینگ قۉشیمچه قیلیشیچه، اوشبو شهرچهلردن تشقری، بوتون مملکت بۉیلب ینه تۉرت میلیون جریب «امیرلیک یېری» ناقانوني اېگهللاوچیلردن قَیتریب آلینگن.
اوّلگی ییللرده دولت یېرلرینینگ و جماعت ملکینینگ باسیب آلینیشی افغانستانده جدّي بحرانگه ایلنگن اېدی. بیراق، طالباننینگ «یېرلرنی قَیتریش» حرکتی هم تنقیدلرگه سبب بۉلماقده، تنقیدچیلر نینگ فکریچه، بو جریان عدالتلی اېمس و کمسیتووچی طرزده عملگه آشیریلماقده.
