امریکا جمهور رییسی دونالد ترامپ چین جمهور رییسی شی جینپینگ بیلن اوچرهشوودن سۉنگ چیندن صادر قیلینهدیگن تاورلرگه قۉییلگن تعرفهنی۵۷ فایزدن۴۷ فایزگه توشیریلیشینی معلوم قیلدی.
رویترز خبریگه کۉره، او واشینگتنگه قَیتهیاتگنده شونینگدېک چین بیلن کمیاب یېر عنصرلری مسألهسیده کېلیشووگه اېریشیلگنینی ایتگن.
ترامپ شونینگدېک چیندن امریکاگه فنتانیل صادراتیگه قۉییلگن باج هم۲۰ فایزدن۱۰ فایزگه کمهیتیریلیشینی بیلدیرگن.
اونینگ سۉزلریگه کۉره، او کېلهسی ییل اپرېل آییده چینگه تشریف بویورهدی، و اوندن کېین شی جینپینگ هم امریکاگه رسمي سفر قیلهدی.
چین یېتکرمهلرینینگ خبر بېریشیچه، شی جینپینگ «قصاص آلیشنینگ ضررلی ایلنیشینی» یاقلمسلیگینی و ایکّی دولت همکارلیک رۉیخطینی کېنگهیتیریشی کېرهکلیگینی تأکیدلهگن.
چین رهبری شونینگدېک، او و ترامپ انرژی و تجارت ساحهلریده همکارلیکنی کوچهیتیریش بارهسیده کېلیشیب آلگنلیکلرینی ایتگن.
بوندن تشقری، ایکّی تامان صنعي ذهن، ناقانوني مهاجرتگه قرشی کورهش، مخابراتی فریبگرلیک و پول یوویش ساحهلریده هم یخشی همکارلیک استقبالیگه اېگه اېکنینی بیلدیرگن.
دونالد ترامپ و شی جینپینگ بوگون جَنوبي کوریا نینگ بوسن شهریدهگی حربي-هوا مرکزیده اوچرهشیشدی.
بو اولر نینگ ۲۰۱۹ییلدن کېینگی ایلک اوچرهشووی بۉلیب، اۉشه پیتده تامانلر اۉرتهسیده تجارت اوروشی و باج تعرفهسی آشیشی طفیلی کېسکینلیک یوزهگه کېلگن اېدی.
