طالباننینگ بدخشاندهگی امنیه قوماندانلیگی، بو گروهنینگ بیر اعضاسی «کانچیلر و تجارلر بیلن باغلیق قوراللنگن شخصلر» بیلن تۉقنهشووده هلاک بۉلگنینی بیلدیرگن.
طالباننینگ بدخشان ولایتی امنیه قوماندانلیگی مطبوعات سۉزلاوچیسی احسانالله کامگار، بو تۉقنشوو کېچه (سهشنبه ۶ عقرب) شهر بزرگ اولسواللیگیده صادر بۉلگن.
اونینگ سۉزلریگه کۉره، سۉنگّی پیتلرده تجارلر و کانچیلر بیلن باغلیق قوراللنگن شخصلر حقیده شکایتلر کېلیب توشگن اېدی. شو سببلی، طالبان کوچلریدن بیر گروه واقعهنی تېکشیریش اوچون منطقهگه یوباریلگن.
کامگار، طالبان کوچلری قوراللنگن شخصلر بیلن آتیشمهگه کیریشگن و بو تۉقنهشووده عبدالحلیم حمیدي اسملی طالبان اعضاسی هلاک بۉلگنینی تصدیقلهگن.
اونینگ قۉشیمچه قیلیشیچه، اوشبو تۉقنهشووده اشتراک اېتگن شخصلر اۉز مسوولی بیلن بیرگه قۉلگه آلینگن.
اما تصدیقلنمهگن معلوماتلرگه کۉره، بو واقعه اصلیده طالبان کوچلری اۉرتهسیدهگی ایچکی تۉقنهشوو بۉلگن.
طالبان پولیسی مطبوعات سۉزلاوچیسی اېسه «کتّهراق تۉقنهشوو» بۉلگنینی انکار اېتیب، «هېچ کیمگه بو گروهگه قرشی موضع آلیشگه امکان بېریلمهیدی»، دېب اظهار قیلگن.
