طالبلرنینگ بغلان ولایتیدهگی امنیه قوماندانلیگینینگ معلوم قیلیشیچه، پاکستانلیک بیر عیال و بیر اېرکک طلا دکانلریده زنجیرلی اۉغیرلیکلرده گمان قیلینیب قۉلگه آلینگن.
طالبلرنینگ بغلان ولایتی امنیه قوماندانلیگی خبریگه کۉره، بو ایکّی کیشی سۉنگّی اوچ کون ایچیده کابل، پروان و بغلان ولایتلریدهگی طلا دکانلری همده صرافلردن اۉغریلیک قیلگن.
خبرده، اۉغیرلنگن بویوملر آرهسیده کابلدهگی طلا دکانیدن۶ مینگ امریکا دالری قیمتیدهگی زېب-زينتلر، پرواندهگی بیر طلا دکانیدن ۱۵۰ مینگ افغانی قیمتیدهگی طلا تقینچاقلر و پلخمریده بیر صرافدن۳۰۰ دالر بارلیگی معلوم قیلینگن.
طالباننینگ بغلان ولایتی امنیه قوماندانلیگینینگ قۉشیمچه قیلیشیچه، اۉغیرلنگن بویوملرنینگ بیر قِسمی تاپیلگن، قالگن مال-ملکنی انیقلش و گمانلنووچیلرنینگ همکارلرینی فاش اېتیش بۉییچه ایشلر دوام اېتماقده.
طالباننینگ پلخمری بیرینچی خوفسیزلیک حوزهسی باشلیغی عبدالوکیل احمدی، بو شخصلر احتمال خلق ارا درجهدهگی حرفهیی اۉغریلر ترماغینینگ اعضالری بۉلیشی ممکن دېدی.
اونینگ سۉزلریگه کۉره، دستلبکی سۉراقلرده گمانلنووچیلر ایلگری سعوديه عربستانی، بحرین، عراق، چین، تایلند، ایران، بیرلشگن عرب امیرلیکلری، عمان و فرانسهده هم اۉغریلیک قیلگنلیکلرینی تن آلیشگن.
