امریکا جمهور رییسی دونالد ترامپ، چهارشنبه کونی اسرائیلنینگ غزهگه ینگی هجوملری آرتیدن منطقهدهگی امریکا قۉللب-قوّتلهگن آتیش کېسین شرطنامهسی خوف آستیده اېمسلیگینی ایتدی.
اسرائیل اوچاقلری سهشنبه کونی اسرائیل حماس جنگریلرینی آتیش کېسین شرطنامهسینی بوزگنلیکده عیبلهگچ، غزهگه هجوم قیلدی.
غزه ساغلیقنی سقلش رسمیلری بو هجوملرده کمیده 26 کیشی هلاک بۉلگنینی، جملهدن نوارغزه مرکزیدهگی بوریج پناهگاهیده بیر اویگه ضربه بېریلگنده بېش کیشی، شهر مرکزیدهگی صبرا محلهسیدهگی بیر بناده تۉرت کیشی و خان یونیسده بیر موترده بېش کیشی هلاک بۉلگنینی معلوم قیلدی.
ترامپ جمهور رییسلیک مخصوص اوچاغیده ژورنالیستلرگه شوندهی دېدی: «قنچه بیلیشیمچه، اولر بیر نفر اسرائیلیک عسکرنی اۉلدیریشگن. شوندهی اېکن، اسرائیلیکلر قرشی هجوم قیلگن و قیلیشلری هم کېرهک اېدی. بوندهی بۉلگنده، اولر قرشی هجوم قیلیشلری لازم»
اسرائیلی اوردوسی چهارشنبه کونی اوشبو عسکرنینگ اۉلیمینی تصدیقلهدی.
ترامپ، «هېچ نرسه آتیش کېسین شرطنامهسینی خوف آستیگه قۉیمهیدی دېدی. توشونیشینگیز کېرهککی، حماس یقین شرقدهگی تینچلیکنینگ جوده کیچیک بیر قِسمی و اولر تۉغری مناسبتده بۉلیشی کېرهک»
اسرائیل اوردوسی بو هجوملر حقیده درحال ایضاح بېرمهدی.
بیر اسرائیللیک حربي رسمينینگ ایتیشیچه، حماس «سریق چیزیق» دېب اتلهدیگن، آتیش کېسین شرطنامهسیده کېلیشیلگن جایدهگی کوچلرگه قرشی هجوم قیلیب، آتیش کېسین شرطنامهسینی بوزگن.
امریکا قۉللب-قوّتلهگن تینچلیک شرطنامهسی ۱۰اکتبرده کوچگه کیردی و۲۰۲۳ ییل۷ اکتبردهحماسنینگ قاتلانه هجوملریدن کېین باشلنگن ایکّی ییللیک اوروشنی تۉختهتدی.
ایکّله تامان هم بیر-بیرینی آتیش کېسین شرطنامهسینی بوزیشده عیبلهماقده.
ترامپ، «اگر اولر (حماس) یخشی بۉلیشسه، بختیار بۉلیشهدی؛ یخشی بۉلمهسهلر، اولر یۉق قیلینهدی، اولرنینگ حیاتی ویران بۉلهدی» دېدی.
اونینگ قۉشیمچه قیلیشیچه، «هېچ کیم اۉشه اسرائیللیک عسکرگه نیمه بۉلگنینی بیلمهیدی، لېکن اولرنینگ ایتیشیچه، آتیشسنر سنایپر تامانیدن بۉلگن. بو اېسه قصاص بۉلگن، و مېنیمچه، اولر بونگه حقلی اېدی»
