پاکستان ایچکی ایشلر وزیری محسن نقوی تهرانگه قیلگن سفری چاغیده ایران تشقی ایشلر وزیری عباس عراقچی بیلن اوچرهشیب، مذاکرهلر اۉتکزدی.
ایران تشقی ایشلر وزیرلیگی بوگون (یکشنبه، ۱۷-جوزا) اعلان قیلگن بیاناتده ایتیلیشیچه، محسن نقوی اوشبو اوچرهشوو دوامیده پاکستان باش وزیری شهباز شریف نینگ ایران عالي رهبری مجتبی خامنهایگه یۉلهگن یازمه مکتوبینی عباس عراقچیگه تاپشیرگن.
وزیرلیک معلوماتیگه کۉره، تامانلر ایکّی تامانلهمه مناسبتلرنی محاکمه قیلیش بیلن بیرگه، پاکستان واسطهچیلیگیده آلیب باریلهیاتگن و « امریکا همده صهیونسیتی رژیم تامانیدن ایرانگه قرشی مجبوري اوروش»نی یکونلشگه قرهتیلگن دیپلوماتیک جریان نینگ سۉنگگی حالتی یوزهسیدن هم فکر المشگن.
محسن نقوی شهباز شریف نینگ مخصوص مکتوبی بیلن کېچه آقشام تهرانگه یېتیب کېلگن اېدی. حاضرچه اوشبو مکتوب مضمونی حقیده رسمي معلومات بېریلمهگن.
بو خبر ایران و امریکا سۉنگّی کونلرده بیر-بیرینی اۉت آچیشنی تۉختهتیش کېلیشووینی بوزیشده عیبلب، اۉز ارا هجوملر اویوشتیرگن بیر پیتده ینگرهماقده.
مذکور هجوملر دیپلوماتیک سعی-حرکتلرنینگ موفقیتسیزلیککه اوچرهشی و کېنگ کۉلملی ماجرا نینگ قَیته باشلنیشی حقیدهگی خواطرلرنی کوچهیتیرگن.
