ایران تشقی ایشلر وزیری عباس عراقچی، «هر سفر دیپلوماتیک یېچیم امکانیتی پیدا بۉلسه، امریکا قۉشمه ایالتلری عقلسیز حربي سرگذشتگه قۉل اورهدی،» دېدی.
اېران تشقی ایشلر وزیری بوگون (جمعه، ۱۸-سهور) ایکس اجتماعی ترماغده شوندهی یازدی: «بو شونچهکه باسیم اۉتکزیش اوچون کۉر تاکیتیک اېکنمی؟ یاکه ینه بیر بار امریکا جمهور رییسی ینگی باتقاققه تارتماقچی بۉلگن بوزغونچینینگ حیلهسیمی؟»
اونینگ قۉشیمچه قیلیشیچه: «سبب نیمه بۉلیشیدن قطع نظر، نتیجه هر دایم بیر خیل: ایرانلیکلر هېچ قچان باسیم آلدیده باش اېگمهیدی، بیراق دایما دیپلوماتيک قربان بۉلهدی.»
عباس عراقچی شونینگدېک، امریکا مرکز اطلاعات تشکیلاتی تېکشیرووی (سیا) نینگ ایران راکت ذخیرهلری حقیدهگی بهاسینی ناتۉغری دېب اتهب، شوندهی دېدی: «بیزنینگ راکت ذخیرهلریمیز و اوچیریش قوّتیمیز 9-حوت حالتیگه نسبتاً۷۵فایز درجهده اېمس، تۉغری رقم۱۲۰ فایزدیر. خلقیمیزنی حمایه قیلیشگه تیارگرلیگیمیز اېسه۱۰۰۰ فایز.»
بو بیاناتلر تیناوون کېچقورون هرمزده امریکا قۉشمه ایالتلری و ایران اۉرتهسیدهگی تۉقنهشوو همده امریکا نینگ قشم و بندر عباسگه قیلگن هجوملریدن کېین ینگرهدی.
امریکا رسميلری ایران هرمزده امریکا حربي کېمهلریگه هجوم قیلگنیدن سۉنگ قشم و بندر عباسگه ضربه بېرگنینی ایتگن.
بیراق ایران سپاهپاسداران کوچلری اېسه امریکا حربي کېمهلری ایران نفت تانکرینی تۉختهتیشگه اورینگنیدن کېین اولرگه هجوم قیلگنی و جدّي ضرر یېتکزگنینی بیلدیرگن.
امریکا جمهور رییسی دونالد ترامپ، اوشبو تۉقنهشوولرگه قرهمهی ایکّی دولت اۉرتهسیدهگی اۉت آچیشنی تۉختهتیش کېلیشووی همان کوچده اېکنینی ایتدی. اما ایران امریکا هجوملرینی صلح بیتیمینی بوزیش دېب بهالهگن.
