ایران تشقی ایشلر وزیری عباس عراقچی، ایران امریکا همده اسرایل اۉرتهسیدهگی اوروشنینگ سۉنگگی حالتینی محاکمه قیلیش مقصدیده پاکستان، عمان و روسیهگه سفر قیلهدی.
صدا و سیما خبریگه کۉره، عراقچی سفرینینگ بیرینچی مقصدی صفتیده بوگون (جمعه، ۴-ثور) کېچقورون اسلام آبادگه یېتیب بارهدی.
معلوماتلرگه کۉره، او شوندن سۉنگ عمان پایتختی مسقط و روسیه پایتختی مسکوگه یۉل آلهدی.
صدا و سیمانینگ یازیشیچه، اوشبو سفرلرنینگ مقصدی «ایکّی تامانلهمه مصلحتلشوولر اۉتکزیش، منطقهدهگی جاري وضعیتنی محاکمه قیلیش همده امریکا و صهیونسیتی رژیم تامانیدن ایرانگه قرشی آلیب باریلهیاتگن اوروشنینگ سۉنگگی حالتینی کۉریب چیقیش»دن عبارت.
عباس عراقچی بوگون، شونینگدېک پاکستان تشقی ایشلر وزیری اسحاق دار همده پاکستان اردو کوچلری باشلیغی عاصم منیر بیلن تیلفونی صحبت قیلیب، «منطقوي اۉزگریشلر و صلح بیلن باغلیق مسألهلر»نی محاکمه قیلگن.
پاکستان ایران و امریکا اۉرتهسیدهگی مذاکرهلرده واسطهچیلیک قیلیب، اوروشنی یکونلش و سیاسي کېلیشووگه اېریشیشگه یاردم بېریشگه حرکت قیلماقده.
اوشبو مملکت جاري هفته تامانلر اۉرتهسیدهگی مذاکرهلرنینگ ایکّینچی باسقیچیگه مېزبانلیک قیلیشنی رېجهلشتیرگن اېدی، بیراق ایران امریکا تامانیدن اۉزیگه قرشی قۉللنیلهیاتگن دېنگیز قملی دوام اېتهیاتگنی سببلی اوشبو مذاکرهلرده اشتراک اېتمهدی.
