پاکستان باش وزیری اۉرینباسری و تشقی ایشلر وزیری محمداسحاقدار ایران اوشبو دولت بیراغی آستیدهگی ۲۰ ته کېمهنینگ هرمز بۉغازیدن اۉتیشیگه راضیلیک بېرگنینی ایتدی.
پاکستان تشقی ایشلر وزیری ایکس اجتماعی ترماغیدهگی پُستیده یازیشیچه، هر کونی اوشبو دولت بیراغی آستیدهگی ایکّی کېمه هرمز بۉغازیدن اۉتهدی.
اونینگ قۉشیمچه قیلیشیچه، «بو ایران تامانیدن قیلینگن ایجابي قدم بۉلیب، قدرلشگه لایق دیر. بو تینچلیک چقیریغی بۉلیب، منطقهده برقرارلیکنی تأمینلشگه یاردم بېرهدی.»
پاکستان تشقی ایشلر وزیری ینه شوندهی دېگن «بو ایجابي اعلان تینچلیک سری مهم قدم بۉلیب، اوشبو یۉلدهگی عمومي سعی-حرکتلریمیزنی مستحکملهیدی. ملاقات، دیپلوماتيک و بوندهی ایشانچنی مستحکملاوچی چارهلر آلدینگه باریشنینگ یگانه یۉلی دیر.»
آلدینراق امریکا قۉشمه ایالتلری جمهور رییسی دونالد ترامپ هم ایران پاکستان بیراغی آستیدهگی ۱۰ته کېمهنینگ هرمز بۉغازیدن اۉتیشیگه رخصت بېرگنینی ایتگن اېدی.
امریکا و اسرایلنینگ ایران بیلن اوروشی باشلنگنیدن بېری هرمز بۉغازیدن کېمهلر اۉتیشی کېسکین کمهیگن.
ایران اېسه دشمنلریگه تېگیشلی کېمهلرگه هرمز بۉغازیدن اۉتیشگه رخصت بېرمسلیگینی بیلدیرگن.
