پاکستان و طالبان اۉرتهسیدهگی کېسکینلیک آشگنیدن سۉنگ، بو گروه پنجشیر ولایتیده بیر کمپاین باشلهدی. بو کمپاین آرقهلی اولر هم تحر طالبان پاکستان (تیتیپی) اوچون جنگچیلر جلب قیلیشنی، همده اوشبو ولایت اهالیسی آرهسیدن پاکستانگه قرشی اۉز بیراغی آستیده جنگ قیلیش اوچون سفربر اېتیشنی مقصد قیلگن. طالبان پنجشیرده دعوا قیلیشیچه، اوشبو ولایتده تۉرت مینگدن آرتیق یاش طالبانگه قۉشیلیش و پاکستانگه قرشی جنگ قیلیش اوچون رۉیخطدن اۉتگن.
اما پنجشیر ولایتینینگ بیر نېچه اهالیسی اطلاعات روزگه ایتیشیچه، بو ولایت اهالیسی آرهسیده بوندهی قیزیقیش موجود اېمس. شو بیلن بیرگه، طالبان نینگ پنجشیر اهالیسی آرهسیدن عسکر یاللش و اولرنی پاکستان بیلن احتمالي قوروقلیکدهگی اوروشگه یوباریش یاکه اولرنی اۉشه دولتگه تحرک طالبان پاکستان (تیتیپی) بیراغی آستیده جنگ قیلیش اوچون جۉنهتیش بۉییچه ترغیباتی دوام اېتماقده.
شو بیلن بیرگه، پنجشیر ولایتینینگ پریان تومنیده طالبان پولیسی قوماندانی مولوي لطف الله هاشیمي بیر نطقیده تحرک طالبان پاکستان (تیتیپی) و طالبان مفکورهسی بیلن هماهنگ باشقه جهادي گروهلرنی قۉللب-قوّتلشگه اورغو بېرگن. اطلاعات روز گزېتهسی اختیاریگه اوشبو طالبان قوماندانی نینگ ویدېوسی توشگن. اونده او شوندهی دېیدی: «پاکستان طالبانی بیزنینگ برادرلریمیزدیر، اولرگه یاردم بېریشگه حرکت قیلهمیز. چېچېنستان و تاجیکستان مجاهدلری هم بیز نینگ برادرلریمیزدیر. بوگون بیز عزتگه اېریشگن اېکنمیز، مجاهد برادرلریمیزنی اونوتمسلیگیمیز کېرهک. اولر هم فداییلیک و قربانلیک قیلگن. بیز اولر بیلن بیرگهمیز، تاکه کلمهی طیبه یازیلگن آق بیراقنی پاکستان، تاجیکستان و چېچېنستانده بلند کۉترهمیز.» بو طالبان پولیس قوماندانی پنجشیر ولایتی نینگ پریان تومنیده فعالیت یوریتهدی و اصلیده شو ولایت نینگ رخه تومنیدن. محلي منبعلر اطلاعات روزگه ایتیشیچه، او جمهوریت تیزیمی قولهگنیدن سۉنگ طالبان صفیگه قۉشیلگن و حاضرده پریان تومنی درجهسیده طالبان نینگ ترغیبات و ایدیولوژیک مقصدلرینی عملگه آشیریب کېلماقده.
مجبوري پول ییغیش
بو فعالیتلر بیلن بیر قطارده، پنجشیر ولایتیدهگی محلي منبعلرنینگ ایتیشیچه، طالبان تحرک طالبان پاکستان (تیتیپی) اوروشینی قۉللب-قوّتلش اوچون آدملردن مجبوري طرزده پول ییغماقده. اولر اهالی، سرمایهدارلر، دولت خدمتچیلری و حتا اۉقیتووچیلردن هم پول ییغیب، بو مبلغ پاکستان حربيلری بیلن جبهه چیزیغیده جنگ قیلهیاتگن تیتیپی جنگچیلریگه یوباریلیشینی اَیتماقده.
احمدالله (مستعار)، پنجشیردهگی مکتب اۉقیتووچیلریدن بیری، اطلاعات روز گزېتهسیگه ایتیشیچه، طالبان بویروغی بیلن او اۉزی نینگ آیلیک معاشیدن بیر قِسمینی تحرک طالبان پاکستان (تیتیپی) گه یاردم صفتیده اجرهتیشگه مجبور بۉلگن. اونینگ ایتیشیچه، طالبان هر بیر اۉقیتووچی کمیده 300 افغاني تۉلهشی کېرهکلیگینی تأکیدلهگن. او ینه شوندهی دېیدی: «بو پوللر هر بیر مکتبدن تورلی بهانهلر بیلن ییغیلگن. بیر مکتبدن پاکستان مجاهدلریگه یاردم اوچون، باشقه بیر مکتبدن پاکستان مهاجرلریگه یاردم اوچون، شونینگدېک حماسگه یاردم صفتیده پول ییغیلگن. بو پول ییغیش مجبوري طرزده عملگه آشیریلگن.»
احمدالله نینگ ایتیشیچه، اۉتگن آی مکتب مدیری اوندن و باشقه اۉقیتووچیلردن آیلیک معاشلری نینگ بیر قِسمینی تحرک طالبان پاکستان (تیتیپی) جنگچیلریگه اجرهتیشنی سۉرهگن. مقصد بو آرقهلی اوشبو گروه نینگ پاکستان حکومتیگه قرشی اوروش کمپاینینی مالیوي جهتدن قۉللب-قوّتلش اېکن. او شوندهی دېیدی: «معاشنی آلگنیمیزدن کېین مکتب مدیری بیزگه ایتدیکی، او اولسواللیک معارف باشقرمه سی بیلن علاقهگه چیققن و هر بیر اۉقیتووچی پاکستان مهاجرلریگه یاردم اوچون پول بېریشی کېرهک. بیز مهاجرلر اوچون یاردمنی دولت و خیریه تشکیلاتلری بېریشی کېرهک دېب ایتگنیمیزده، مدیر برچه اۉقیتووچیلرگه: ‘کۉپ سوال بېرمنگلر، توشونهسیزلر، بو پوللر پاکستان طالبانیگه یاردم اوچون ییغایلماقده. مېنگه سیزلردن پول ییغیش بویوریلگن. بیز هم، سیزلر هم بو طلبنی بجریشگه مجبورمیز، دېدی.»
احمدالله و باشقه اۉقیتووچیلر بو ییغیلیش توگهگنیدن سۉنگ مکتب مدیریگه 300 افغانيدن تاپشیرگن، کېین اېسه بو پول تومن معارف باشقرمه سیگه تاپشیریلگن. بو حالت شوندهی بیر پیتده یوز بېرماقدهکی، طالبان نینگ ینه حاکمیتگه کېلگنیدن بېری افغانستانده قشّاقلیک و آچلیک کوچهیگن، کۉپلب آدملر اۉز حیاتي خرجتلرینی تأمینلشده کتّه قیینچیلیکلرگه دوچ کېلماقده. شونگه قرهمهی، پنجشیردهگی طالبان عملدارلری اوچون بو حالت تۉسقینلیک قیلمهیپتی و تحرک طالبان پاکستان (تیتیپی) جنگچیلریگه یاردم اوچون مجبوري پول ییغیش کمپاینی هنوز دوام اېتماقده.
شو بیلن بیرگه، ییغیلگن پوللر حقیقتاً هم تحرک طالبان پاکستان (تیتیپی) جنگچیلریگه یېتکزیلیشیگه هېچ قندهی کفالت هم یۉق. طالبان بو پول ییغیش کمپاینینی پنجشیرده تیتیپی اوچون آچیقچهسیگه اعلان قیلمهگن، بیراق شونگه قرهمهی اۉقیتووچیلردن پول ییغیب آلینماقده.
عسکر یاللشگه اورینیش
پول ییغیش بیلن بیر قطارده، پنجشیرده طالبان اوشبو ولایت یاشلریدن عسکر یاللشگه هم حرکت قیلماقده. فرهاد (مستعار)، پنجشیرده ایشلهیدیگن دولت خدمتچیلریدن بیری، بیر نېچه بار طالبان عملدارلری اونی پاکستان حربيلریگه قرشی اوروشده تحرک طالبان پاکستان (تیتیپی) بیلن بیرگه قتنهشیشگه اوندهگنینی ایتهدی. اونینگ سۉزلریگه کۉره، طالبان عملدارلری اونگه پنجشیر اهالیسی پاکستان نینگ افغانستانگه نسبتاً «یامان نیتینی» طالباندن هم آلدین انگلب یېتگنینی و اولر پاکستان بیلن «دشمن» بۉلگنینی ایتگن. حاضر اېسه طالبان هم بو مسألهنی توشونیب یېتگنینی تأکیدلشگن.
فرهاد طالبان مسووللریدن بیری اونی تیتیپی صفیگه قۉشیلیشگه قندهی چقیرگنینی شوندهی حکایه قیلهدی: «مېن پنجشیر ولایتیدهگی دریا بۉییده اۉتیرگن اېدیم، هر کېچه طالبان هم کېلیب دریا بۉییده اۉتیرردی. بعضاً اولر مېنگه حکایهلر سۉزلب بېریشردی. اولر ایتیشردی: ‘بیز نینگ برادرلریمیز پاکستانده یخشی احوالده اېمس. پاکستان اوردوسی اولرنی بامباردمان قیلگن. بیر کونی اولر مېندن سۉرهشدی: ‘سېن یاشسن، مجاهدلر نینگ جانینی سهقلش اوچون پاکستانگه باریب، او یېرده جهاد قیلیشینگ کېرهک.»
فرهاد نینگ ایتیشیچه، بو گپلرنی اېشیتگچ، او طالبانگه اوروشگه باریشگه حاجت یۉقلیگینی توشونتیرگن، اما طالبان حلی هم پاکستانده جهاد قیلیش «فرض» اېکنلیگینی تأکیدلب توریشگن. او شوندهی قۉشیمچه قیلهدی: «طالبان قوماندانی مېنگه ایتدی: ‘پنجشیر اهالیسی ایلگری هم پاکستاننی افغانستان دشمنی دېب بیلگن و دایما پاکستانگه قرشی شعارلر بېرگن. بیز پنجشیرگه کېلگنیمیزده، دېوارلرگه پاکستانگه قرشی شعارلر یازیلگن اېدی. سیز پنجشیر اهالیسی باشقه ولایتلر اهالیسیگه قرهگنده کۉپراق خبردارسیز و بیز کوتماقدهمیزکی، وقت کېلگنده پاکستان رژیمینی اغدریب تشلهیمیز.» شو بیلن بیرگه، فرهاد تأکیدلهیدیکی، او هېچ قچان پاکستانگه جنگ قیلیشگه بارمهیدی، لېکن او قۉرقهدیکی، پنجشیر یاشلری نینگ بیر قِسمی طالبان نینگ ترغیباتی تأثیریده قالیب، اوروشگه تارتیلیشی ممکن. البته، طالبان اوردوسی پنجشیرده بیر قنچه پنجشیر یاشلرینی صفگه آلگن، اما محلي منبعلرگه کۉره، بو یاشلر نینگ کۉپی ایش امکانیتلری نینگ یۉقلیگی، قشّاقلیک و بندلیکسیزلیک سببلی طالبان صفیگه قۉشیلگن و اولر نینگ سانی هم کتّه اېمس.
مسجدلرنی واسطه صفتیده ایشلهتیش
بو چاره-تدبیرلر بیلن بیر قطارده، پنجشیرده مسجدلر و دیني مدرسهلر اوستیدن قطعي نظارتگه اېگه بۉلگن طالبان، بو مسکنلرنینگ منبرلریدن هم پاکستان حکومتی و اوردوسیگه قرشی ترغیبات آلیب بارهدی و بیر وقت نینگ اۉزیده تحریک طالبان پاکستان (تیتیپی)نی قۉللب-قوّتلهیدی، آدملرنی پاکستانگه قرشی جنگ قیلیشگه ایشانتیریش مقصدیده. اطلاعات روزگزېتهسی نینگ پنجشیر ولایتیدهگی محلي منبعلرینینگ ایتیشیچه، طالبان تیتیپی نینگ پاکستاندهگی غلبهسی اوچون مسجدلرده دعا قیلماقده و اهالیدن هم طالبان پاکستانگه دعا قیلیشنی سۉرهشماقده، تاکه اولر افغانستان طالبانی کبی غلبه قازانسین.
حاتم (مستعار)، پنجشیر ولایتینینگ رخه اولسواللیگیدن اطلاعات روز گزېتهسیگه ایتیشیچه، طالبان نینگ پاکستان حکومتی و تیتیپینی قۉللب-قوّتلش بۉییچه ترغیباتی، شونینگدېک دعا قیلیش عمللری رمضان آییده کوچهیهدی، چونکه بو دورده مسجدلردهگی اهالی سانی آرتهدی.
او شوندهی قۉشیمچه قیلهدی: «طالبان هیئاتی، اونده طالبان ولایت حاکمی ادارهسی، حج و اوقاف باشقرمه سی، امر به معروف نظارتچیلری و طالبان پولیسی همده استخبارات وکیللری کیرهدی، مسجدلرگه کېلهدی و رمضان آییده قرآن ختملریده اشتراک اېتهدی. بیز نینگ مسجدیمیزده بیر نېچه مرته طالبان تی تی پی اوچون دعا قیلگن و اهالیدن هم بونی قیلیشنی سۉرهگن. طالبان آدملر بیلن شوندهی دېییشگن: ‘سیز قرآن ختمی قیلدینگیز و الله دعالرینگیزنی قبول قیلهدی. بیز تیتیپی اوچون دعا قیلهیاتگنیمیزده، سیز هم ‘آمین دېب ایتینگ»
حاتم نینگ ایتیشیچه، طالبان نینگ بیر مسووللری مسجدده تیتیپی اوچون شوندهی دعا قیلگن: «اې خدا، قرآن ختمی نینگ برکتی بیلن پاکستان مجاهدلرینی موفقیتلی قیل. اې پروردگار، تیتیپینی پاکستان نینگ ناقانوني تیزیمیگه قرشی غلبه قازانهدیگن قیل و بیر کون افغانستان مجاهدلری کبی اولرنی هم موفقیتلی قیل.» اونینگ ایتیشیچه، طالبان کۉپلب مرته شونگه اۉخشش دعا و عبادتلرنی مسجدلرده طالبان پاکستانگه یاردم و غلبه تاپیشی اوچون قیلگن.
حاتم نینگ ایتیشیچه، او و باشقهلر طالبان نینگ بو دعا و عبادتلریگه «آمین» دېماقچی بۉلمهگن، لېکن طالباندن قۉرقیب، اولرنی شبههلنتیرمسلیک اوچون سېکین «آمین» دېب ایتیشگه مجبور بۉلیشگن.
تحریک طالبان پاکستان (تیتیپی) در دوران جنگ طالبان با حکومت پیشین و متحدان غربی آن، در افغانستان نیز مصروف جنگ بود و همین امر باعث شد که ارتباط نزدیک میان طالبان افغانستان و تیتیپی شکل بگیرد. با سقوط حکومت افغانستان و پایان داعیه «جهاد طالبان» و همچنین افزایش مهارت جنگی و تجربهی نظامی تحریک طالبان پاکستان در جنگ افغانستان، مأموریت این گروه بیشتر بر پاکستان و بهویژه ایالت خیبرپختونخوا متمرکز شد. پس از آن، حملات مسلحانه، گروگانگیری و عملیاتهای انتحاری تیتیپی با تقلید از تاکتیکهای طالبان در افغانستان تشدید شد.
تحریک طالبان پاکستان (تیتیپی)، طالبان نینگ سابق حکومت و اونینگ غربي اتفاقچیلری بیلن اوروشی دوریده، افغانستانده هم جنگ قیلگن، بو اېسه افغانستان طالبانی و تیتیپی اۉرتهسیده یقین علاقه نینگ شکللنیشیگه آلیب کېلگن. افغانستان حکومتی نینگ قولهشیدن و «طالبان جهادی» دعواسی نینگ توگهشیدن، شونینگدېک، تیتیپی نینگ افغانستاندهگی اوروشلرده آشگن جنگ صنعتی و حربي تجربهسی طفیلی، اوشبو گروه نینگ ماموریتی اساسن پاکستان، خصوصاً خیبر پختونخوا ایالتیگه یۉنهلتیریلدی. شوندن کېین تیتیپی نینگ قوراللی هجوملری، گروگه آلیش و اۉزینی پارتلهتیش عملیاتلری افغانستاندهگی طالبان تاکیتیکلرینی تقلید قیلیب کوچهیتیریلدی.
پاکستان طالبان حکومتیدن تیتیپی هجوملرینی تۉختهتیشنی سۉرهگن، اما طالبان پاکستانگه ایتیشیچه، اۉز حدودیده خوفسیزلیک و تروریزم نینگ آشیشی اولر نینگ مسوولیتی اېمس و بو گروه پاکستان خوفسیزلیگینی کفالتلهی آلمهیدی.
