پاکستان پولیسی بلوچستان ایالتیده نامعلوم قوراللنگن شخصلرنینگ اویگه اۉق اوزیشی نتیجهسیده کمیده آلتی کیشی جان بېردی و ایکّی کیشی یرهلندی
جیونیوزنینگ خبریگه کۉره، پاکستان پولیسینینگ ایتیشیچه، اوشبو هجوم بوگون (چهارشنبه، ۶ حوت) بلوچستان ایالتینینگ توربت تومنیدهگی «بولیدا» منطقهسیده صادر بۉلگن.
پولیسنینگ تأکیدلهگنیچه، هجوم قربانلری آرهسیده بیر عیال هم بار.
پاکستان باشقه بیر یېترمهسی خراسان دایرینینگ خبر بېریشیچه، قوراللنگن شخصلر اوّل اوشبو اویگه راکت اۉق اوزگن، کېین اېسه اۉق آتیشنی باشلهگن.
خبر قیلینیشیچه، هجوم قربانلری بیر عایله اعضالری بۉلگن.
بلوچستان ایالتی خیبرپختونخواهدن کېین پاکستاننینگ ایکّینچی خوفلی ایالتی حسابلنهدی.
اۉتگن آی اوشبو ایالتده «بلوچستان آزادلیک اوردوسی» نامی بیلن تنیلگن بلوچ عصیانچیلری تامانیدن بیر نېچته حدودلرده، جملهدن کویته، مستونگ، پنجگور و نوشکی شهرلریده کېنگ کۉلملی و موافقلشتیریلگن هجوملر صادر بۉلگن.
اوشبو هجوملرده۳۶ نفر تینچ اهالی و۲۲نفر حربي هلاک بۉلگن، پاکستان رسميلری اېسه۱۵۰ دن آرتیق عصیانچی اۉلدیریلگنینی خبر قیلگن.
