ایران عامهوي اخبارات واسطهلرینینگ خبر بېریشیچه، ایران اوردوسیگه تېگیشلی تیک اوچر اصفهان شهری درچه مېوه و سبزوات بازاریگه قولهب توشیشی عاقبتیده تۉرت کیشی هلاک بۉلگن.
ایرنا اخبارات آژانسینینگ معلوماتیگه کۉره، بوگون، سهشنبه، ۵ حوت، تیک اوچر پرواز چاغیده تخنیکي قیینچلیک طفیلی درچه مېوه و سبزوات میدانی حدودیده تصادمگه اوچرهگن.
خمینی اصفهان شهری یانغین باشقرمهسی باشلیغینینگ ایتیشیچه، اوشبو تصادمده اوچووچی، یاردمچی و بازارنینگ ایکّی ساتووچیسی هلاک بۉلگن.
ترقهتیلگن صورتلرده بازار حدودیده یانغین هم کېلیب چیققنی و یانغین اۉچیریش خادملری اونی نظارت آستیگه آلیشگه حرکت قیلهیاتگنی کۉرینهدی.
اۉتگن هفته هم ایران هوا کوچلریگه تېگیشلی اوچاق همدان ولایتیده تصادمگه اوچرهگن و اوچووچیلردن بیری هلاک بۉلگن اېدی.
