پاکستان تشقی ایشلر وزیرلیگی، باجوردهگی بیر خوفسیزلیک پُستیگه اویوشتیریلگن هجومگه ناراضیلیک بیلدیرگن حالده، طالبان اېلچیخانهسی نینگ اسلام آباددهگی اۉرینباسرینی چقیریب آلدی.
اوشبو هجوم اوچ کون آلدین صادر بۉلگن بۉلیب، کمیده۱۱ نفر پاکستان عسکری هلاک بۉلگن و بیر نېچه کیشی جراحتلنگن.
پاکستان تشقی ایشلر وزیرلیگینینگ ایتیشیچه، هجومنی پاکستان طالبان حرکتی (تیتیپی) عملگه آشیرگن، اونینگ بوتون رهبریتی افغانستانده جایلشگن و او افغانستان توپراغیدن تۉلیق حمایه آستیده فعالیت یوریتماقده.
وزیرلیک طالبان اېلچیخانهسی نینگ اۉرینباسریگه، پاکستان اۉز حقوقینی هر قندهی جایده «فتنه خوارج»گه علاقهدار عنصرلر و اولر نینگ اتفاقچیلرینی یۉق قیلیش و جواب قَیتریش حقوقینی سقلب قالهدی دېگن.
پاکستان طالباندن افغانستان توپراغیدن فعالیت یوریتهیاتگن برچه ترورچی گروهلرگه، شو جملهدن اولرنینگ رهبرلریگه نسبتاً تېزکار، انیق و تېکشیریلیشی ممکن بۉلگن چارهلر کۉریشنی طلب قیلگن.
پاکستان مدافعه وزیری خوجه محمدآصف اگر طالبان چارهلر کۉرمسه، پاکستان افغانستان توپراغیده قۉزغلانچیلرنی نشانگه آلیشده ایکّیلنمهیدی.
سۉنگگی تۉرت ییل ایچیده طالبان و پاکستان اۉرتهسیدهگی مناسبتلر، پاکستان طالبان حرکتی رهبریتی افغانستانده جایلشگنی سببلی، ترنگ بۉلیب کېلماقده.
طالبان اېسه پاکستان طالبان حرکتی رهبریتی و اعضالری افغانستانده اېکنلیگینی رد اېتهدی و بو مسألهنی پاکستان نینگ ایچکی ایشی دېب بیلهدی.
اما پاکستان برچه اعضالر و رهبریت افغانستانده فعالیت یوریتهیاتگنینی و بو حدوددن فایدهلنیب، پاکستانگه قرشی هجوملر اویوشتیرهیاتگنینی بیلدیرهدی.
