ایران تشقی ایشلر وزیری عباس عراقچی امریکا بیلن هسته مذاکرهلرینینگ ایکّینچی باسقیچینی اۉتکزیش اوچون سوئیسگه بارگنی چاغیده خلق ارا اتم انرژی باش مدیری رافائل گروسی بیلن اوچرهشیب، مذاکره آلیب باردی.
ایران تشقی ایشلر وزیرلیگی بوگون (دوشنبه،۲۷ دلو) اعلان قیلگن بیاناتیده اوشبو اوچرهشووده «اېراننینگ کفالت مجبوريتلری دایرهسیده و پارلمان تامانیدن قبول قیلینگن قانونگه موافق ایران-اگینتلیک همکارلیگیگه عاید اَیریم مسألهلر محاکمه قیلینگنی»نی معلوم قیلدی.
وزیرلیک شونینگدېک، اوچرهشووده امریکا و ایران اۉرتهسیدهگی هسته مذاکرهلریگه دایر اېراننینگ تخنیکي قرهشلری هم بیان اېتیلگنینی قۉشیمچه قیلگن.
اتم خلق ارا انرژی باش مدیری رافائل گروسی ایکس اجتماعي ترماغیده اعلان قیلگن پُستیده ایران تشقی ایشلر وزیری بیلن بۉلیب اۉتگن صحبتنی تخنیکي و چوقور دېب تعریفلهدی.
او بو ملاقات «اېرتهگه جېنواده بۉلیب اۉتیشی رېجهلشتیریلگن مهم مذاکرهلرگه تیارگرلیک دایرهسیده» اۉتکزیلگنینی تأکیدلهدی.
ایران و امریکا اۉرتهسیدهگی هسته مذاکرهلرینینگ ایکّینچی باسقیچی اېرتهگه (سهشنبه،۲۸ دلو) جینواده بۉلیب اۉتیشی کوتیلماقده.
ایران تشقی ایشلر وزیرلیگی بیاناتیگه کۉره، اوشبو مذاکرهلر بالواسطه طرزده و عمان تشقی ایشلر وزیرینینگ واسطهچیلیگیده اۉتکزیلهدی. بو مذاکرهلر ایلک بار۱۰ کون اوّل عمان پایتختی مسقط شهریده بۉلیب اۉتگن اېدی.
