ایران تشقی ایشلر وزیرلیگی مطبوعات سۉزلاوچیسی اسماعیل بقایی، عمان شهریده اېران و امریکا هیئتلری اۉرتهسیده اۉتکزیلگن قیسقه و بېواسطه اوچرهشووده «بو جریاننی دوام اېتتیریش بۉییچه توشونچه و کېلیشوو موجودلیگینی حس قیلدیک» دېب ایتگن.
او بوگون (سهشنبه،۲۱ دلو) مطبوعات انجمنیده شوندهی دېگن: «مېنیمچه، عیناً شو حالت اۉز-اۉزیدن مهمدیر.»
امریکا و ایران اۉرتهسیدهگی سۉنگگی مذاکرهلر جمعه کونی عمان پایتختیده بالواسطه و عمان رسميلری واسطهچیلیگیده اۉتکزیلدی، اما مذاکرهلر آخریده ایکّی مملکت هیئتلری قیسقه و بېواسطه اوچرهشیش امکانیگه اېگه بۉلدی.
ایران تشقی ایشلر وزیری عباس عراقچی ایلگری ایتگنکی، بو قیسقه اوچرهشوو «دیپلوماتیک آدابنی سقلش مقصدیده» عملگه آشیریلگن.
اوشبو مذاکرهلرده، کوچهیگن ترنگلیک و احتمالي حربي تۉقنهشوو یانیده، تامانلر اۉز مذاکرهلرینی دوام اېتتیریشگه کېلیشیب آلدیلر.
