روسيه عامهوي اخبارات واسطهلرینینگ خبر بېریشیچه، روسيه قوراللی کوچلرینینگ اۉپراتیف تیارگرلیک باشقرمهسی رهبری، جنرال «فانیل سارواروف »مسکوهده صادر بۉلگن پارتلش عاقبتیده هلاک بۉلگن.
تاس اخبارات آژانسینینگ معلوماتیگه کۉره، پارتلش بوگون اېرتهلب ساعت۷:۰۰اطرافیده (دوشنبه، ۱ جدی) مسکو نینگ جَنوبی-غربي قِسمیدهگی پارکینگ ده یوز بېرگن.
روسيه تېرگاو کمیتهسی نینگ بیلدیریشیچه، پارتلاوچی ماسلمه جنرال فانیل سارواروفنینگ موتری آستیگه جایلشتیریلگن بۉلگن و او پارتلش نتیجهسیده آلگن جراحتلری سبب وفات اېتگن.
حاضرچه هېچ بیر شخص یاکه گروه اوشبو پارتلش اوچون جوابگرلیکنی اۉز ذمّهسیگه آلمهگن.
روسيه تېرگاو اۉرگانلری بو حادثهگه اوکراین خوفسیزلیک خدمتلرینینگ علاقهدار بۉلیشی احتمالینی هم استثنا قیلمهیاتگنینی معلوم قیلگن.
۲۰۲۲-ییل فبروری آییده اوکراین اوروشی باشلنگنیدن بویان مسکوده بیر قطار روسيهلیک حربي عملدارلر هجومگه اوچرهب، هلاک بۉلگن.
جملهدن، جنرال یاروسلاو موسکالیک جاري ییل اپریل آییده مسکوده موتر پارتلشی عاقبتیده هلاک بۉلگن، و جنرال ایگور کیریلوف اېسه ۲۰۲۴-ییل دیکابر آییده مصافهدن باشقریلهدیگن بامبه پارتلشی نتیجهسیده وفات اېتگن.
