پاکستاننینگ راولپندی شهریدهگی مخصوص محکمه سابق باش وزیر همده تحریک انصاف حزبی رهبری عمران خان و اونینگ تورموش اۉرتاغی بشرا بیبینی «توشخانه۲» دوسیهسیگه عیبلب ۱۷ ییلگه قماققه محکوم اېتدی.
جیو نیوز خبریگه کۉره، بوگون (شنبه ۳۰ قوس) سابق باش وزیر و اونینگ خاتینیگه۱۶.۴میلیون روپيه جریمه تۉلش حکمینی هم چیقردی.
محکمه قراریگه کۉره، عمران خان و بشرا بیبی هر بیری پاکستان جنایت کودېنینگ ۴۰۹-مادّهسی بۉییچه۱۰ییل، فسادگه قرشی قانون نینگ ۵-مادّهسی بۉییچه اېسه۷ ییل قماق جزاسیگه حکم قیلیندی.
اوشبو ایش عمران خان باش وزیرلیک قیلگن دورده بشرا بیبی سعوديه عربستانی شهزادهسیدن آلگن «بولگاری» برندیدهگی قیمتبها زرگرلیک بویوملرینی ساوغه صفتیده آلیش بیلن باغلیق.
سابق باش وزیر و اونینگ تورموش اۉرتاغی اوشبو زرگرلیک بویوملرینی دولت ساوغهلری سقلنهدیگن «توشخانه»دن جوده ارزان نرخده ساتیب آلگنلیکده عیبلنماقده.
شکایت۲۰۲۴ ییل۲۰ اگستده پاکستان ملي جوابگرلیک ادارهسی تامانیدن عمران خان و اونینگ تورموش اۉرتاغیگه قرشی بېریلگن اېدی.
جیونیوز خبریگه کۉره، پاکستان فدرال تېرگاو ادارهسی اوشبو زرگرلیک بویوملرینینگ قیمتینی ۷۱ میلیون روپیهدن آشق دېب بهالهگن، اما عیبلنووچیلر اونی خصوصي کمپنی آرقهلی فقط۵.۹میلیون روپیهگه بهالشگن.
بوندن تشقری، اوشبو قیمتبها ساوغه نه «توشخانه»ده رۉیخطگه آلینگن، نه تۉغری بهالنگن.
عمرانخان و اونینگ تورموش اۉرتاغی ایلگری هم بیر نېچته فساد ایشلریده قماق و جریمهگه حکم قیلینگن.
سابق باش وزیر اگست۲۰۲۳ ییلدن بویان قماقده بۉلیب، جزانی اۉتهماقده.
عمران خان طرفدارلری اونگه قرشی قۉییلگن فساد عیبلاولرینی رد اېتیب، اولرنی سیاسي دېب حسابلشهدی.
