لیستربی. پیرسن بورسیهسی نینگ افغانستانلیک غالبی کیم؟
فرزاد شریف
قویاش 1401- ییل نینگ بهاریده، بیر کون ساعت تخمیناً توشدن آلدین 11 ده، کابل دشت برچیده جایلشگن عبدالرحیم شهید مکتبیده درسلر یکونلنگن اېدی. عبدالرئوف، اوشبو مکتب نینگ اۉن بیرینچی صنفی نینگ اعلیچی اۉقووچیسی، اویگه کېتیشگه تیارلنهیاتگن اېدی. عبدالرحیم شهید مکتبی کابلدهگی اېنگ مشهور دولت مکتبلریدن بیری بۉلیب، او یېرده اۉن آلتی مینگدن آرتیق اۉقووچی تحصیل آلگن و اولر نینگ کۉپچیلیک اۉقووچیلری هزارهلر اېدی. مکتب مدیریتی، چیقیش دروازهلریده حددن تشقری تیقیلینچ نینگ آلدینی آلیش اوچون، اۉقووچیلرنی ترتیبلی روشده چیقریش اوچون منتظم بیر ریجه نظرده توتگن: اوّلا اۉن ایکّینچی صنف اۉقووچیلری، سۉنگره اۉن بیرینچی صنف و شوندهی باشقه صنفلرنینگ چیقیشی دوام اېتردی.
ساعت 11 دن بیرآز اۉتگن اېدی. اۉن ایکّینچی صنف اۉقووچیلری بیرین – کېتین مکتب نینگ چیقیش دروازهسیدن چیقهیاتگن اېدی. انتظام ماموری اۉن بیرینچی صنف نامینی چقیریب، چیقیشگه تیار بۉلیشلرینی سۉرهدی. اونینگ سۉزلری حلی هواده آواز بېرهیاتگن اېدی -چی، داوولگه اۉخشش کوچلی پارتلش آوازی حویلینی کېسیب اۉتدی. اۉقووچیلر نینگ قولاقلری ایشلشنی تۉختهتدی، یېر و آسمان کوچلی سیلکینیش بیلن تیترهب کېتدی. مکتب نظارتچیلری دروازه تېزده یاپیب، هېچ کیمگه چیقیشگه رخصت بېرمهدی. پارتلش عیناً دروازه یقینیده صادر بۉلگن اېدی.
عبدالرئوف ، اۉن بیرینچی صنف اۉقووچیلریدن بیری، عینِ دَمده صنف ایچیده اۉتیرگن اېدی. حادثه تۉلقینی اونی حیرتگه سالگن اېدی. قولاقلری اېشیتمهی قالگن، باشیده اېسه بېزاوته قیلووچی شیویر آوازی ایلنیب یورر اېدی. اېنگ کۉپ اېسه یېر نینگ سیلکینیشی و صنف نینگ آینهلری سینگهنی اونی قیینهیاتگن اېدی. بیر نېچه دقیقه اۉتیب، حادثه شوکی نینگ بیرآز سوسهییشی بیلن او چیقیش دروازهسیگه یوگوردی. فوق العاده چیقیش کارتی بار اېدی و او مکتبدن تشقریگه چیقیشگه موفق بۉلدی. تشقریده قولاقلری حلی هم شیویرلهیاتگن اېدی. یۉلده عیاللر و اېرککلرنی کۉردی، اولر عبدالرحیم شهید مکتبیگه قرهب ییغلب، قیچقیریب یوگورهیاتگن اېدی. حادثهدن اونچهلیک اوزاقلشمهگن اېدی-چی، مکتب یقینیده ینه ایکّی پارتلش آوازی ینگرهدی و یورهکلرگه ینگی قۉرقوو سالیب یوباردی.
او هجوم، 1401 ییل نینگ بیرینچی آیی نینگ آخریده کابل نینگ دشت برچی منطقهسیده صادر بۉلگنیده، کمیده آلتی کیشی هلاک بۉلگن و 25 دن آرتیق کیشی جراحت آلگن اېدی. هجوم اوچته پارتلش بیلن عملگه آشیریلگن. بیرینچی پارتلش ساعت 11 دن آلدین، اۉن بیرینچی و اۉن ایکّینچی صنف اۉقووچیلری مکتبدن چیقهیاتگن وقتده، مکتب چیقیش دروازهسی یقینیده صادر بۉلگن. بیر نېچه دقیقه اۉتیب، ایکّینچی پارتلش مکتب یقینیدهگی کۉچهده، اوچینچیسی اېسه مکتبدن بیرآز اوزاقده جایلشگن اعلیچی تعلیم مرکزی یقینیده صادر بۉلگن. اوشبو واقعه، اساسن، اۉسمیر اۉقووچیلرنی نشانگه آلگن بۉلیب، کابل نینگ غربي منطقهلری و شو منطقهدهگی تعلیم مرکزلریگه قرهتیلگن تیزیملی هجوملر زنجیری نینگ بیر قِسمی اېدی. کۉپلب افغانستان نخبهلری اوچون بو هجوم نینگ مقصدی قۉرقوو و وحشت اویغاتیش، جمعیتنی تعلیم آلیش حقوقیدن محروم قیلیش و کابل غربي منطقهسیدهگی جمعیتنی ینه-ده بېقرارلشتیریش دېب حسابلنگن.
اۉلیم پنجهسیدن قاچیش
عبدالرئوف پارتلش هلاکتیدن، حیاتیدهگی اېنگ آغیر کوندن امان قَیتیب، توش پیتی اطرافیده اوییگه یېتیب باردی. او عایله اعضالری بیلن توشلیک دسترخوانی اطرافیده اۉتیرگن پیتده، عبدالرئوف هم اۉقيدیگن مکتبده یوز بېرگن پارتلش خبرلری تلویزیونده کۉرسهتیلهیاتگن اېدی. او هنوز بیر نېچه ساعت اوّل اۉلیم بیلن فقط بیر قدم مصافهده تورگنیگه ایشانالمس اېدی. بو واقعه و اوندن اوّل دشت برچیده صادر بۉلگن حادثهلر خلق روحیتیگه کوچلی قۉرقوو و واهمه سالگن اېدی. عبدالرئوف نینگ عایلهسی هم قۉرقوودن سۉزسیز جیم قالگن اېدی. اما بوگون، شوندهی اضطراب و خواطر آرهسیده، همه نینگ قلبیده بیرته قووانچ بار اېدی: « عبدالرئوف تیریک قالگن.»
اۉشه قانلی پارتلشدن بیر نېچه آی آلدین، عبدالرئوف نینگ اېنگ کتّه آرزولریدن بیری رۉیابگه چیققن اېدی: او امریکا قۉشمه ایالتلریدهگی بیر مکتبدن تۉلیق بورسیه قۉلگه کیریتگن و خَیالیده یارقین کېلهجکلرنی تصور قیلهیاتگن اېدی. اما امریکاده اۉقوو ییلی حلی باشلنمهگنلیگی سببلی، او هنوز ایکّینچی بیر مملکتگه باریب، امریکا قۉشمه ایالتلری ویزهسینی آلیش سفریگه چیقه آلمهگن اېدی. انه شوندهی امریکا سفرینی کوتیش و امید ایچیده بۉلگن بیر پیتده عبدالرحیم شهید مکتبیدهگی فاجعه یوز بېردی. او کوتیش و آرزولر آرهسیده قالیب کېتگن، کابل اېسه اونینگ حیاتیده قندهی اچّیق خاطره یازیب قۉییشینی بیلمس اېدی.
پارتلشدن بیر نېچه ساعت اۉتیب، عبدالرئوف نینگ عایله اعضالری اونگه اېندی اۉشه مکتبگه بارمسلیکنی، بو نینگ اۉرنیگه امریکادهگی بورسیهسیگه اعتبار قرهتیشنی مصلحت بېریشدی. پارتلش نینگ اچّیق خاطرهسی و اوندن کېین جمعیتده حکم سورگن آغیر روحي محیط بو تکلیفنی عبدالرهۉف اوچون منطقلی و قبول قیلینهدیگن قیلدی، چونکه اونینگ قۉلیده امریکاده تۉلیق بورسیه بیلن مکتبگه اۉقیشگه قبول قیلینگن مکتوب موجود اېدی. اېرتهسی کونی او امریکا ویزهسینی آلیش اوچون پاکستان ویزهسیگه عریضه تاپشیردی. چونکه امریکا قۉشمه ایالتلری ویزهسینی آلیش فقط قۉشنی مملکت آرقهلی ممکن اېدی. اما طالبان حاکمیتگه قَیتگچ، قۉشنی دولتلر نینگ ویزهلرینی آلیش جوده مشکل بۉلیب قالدی. کۉپلب چېکلاولر قۉییلدی، شو نینگ اوچون ویزه کۉپینچه قاره بازار آرقهلی آلینردی و اونینگ نرخی جوده یوقاری اېدی. عبدالرئوف اوزاق کوتیشدن سۉنگ نهایت کتّه مبلغ عوضیگه پاکستان ویزهسینی قۉلگه کیریتیشگه موفق بۉلدی.
عبدالرئوف 1401 ییل نینگ یازیده نهایت اۉزینی پاکستانگه یېتکزدی؛ بو سفر امیدلر و تشویشلرگه تۉله اېدی. او مملکتگه کیریشی بیلن آق، امریکا قۉشمه ایالتلریدهگی مکتبلردن بیریدن قۉلگه کیریتگن بورسیهسیدن فایدهلنیش و اۉشه یورتگه باریب اۉقیشنی دوام اېتتیریش آرزوسینی عملگه آشیریش اوچون ویزه آلیش جریانینی باشلشگه بوتون کوچینی صرفلهدی. اما بیرینچی اورینیشدهیاق اونینگ ویزهسی امریکا قۉشمه ایالتلری تشقی ایشلر وزیرلیگی تامانیدن رد اېتیلدی. بو واقعه نینگ روحي آغیرلیگی عبدالرئوف نی ینه-ده قیینهدی؛ اوچینچی مراتهبه هم ویزهسی رد اېتیلگچ، او حیاتدن بوتونلهی کۉنگلی ساویب کېتگندېک بۉلدی.
دشت برچیدهگی اۉلیملی پارتلشدن امان قالیش، عبدالرحیم شهید مکتبینی مجبورن ترک اېتیش، قیمتگه توشگن پاکستان سفرینی باشدن کېچیریش و اوچ مرته ویزهدن رد جوابی آلیش بولرنینگ برچهسی عبدالرئوف نینگ روحیتینی پرچهلنیش یاقهسیگه آلیب کېلدی. او سکوت و یالغیزلیکده، یاس امید و آغیر توشکونلیک اۉرتهسیده سرسان بۉلیب قالدی؛ امریکاده اۉقیش آرزوسی هر کونی اوندن اوزاقلشر، کابلده بیتتیریلمهی یریم قالگن مکتب ییللری اېسه خودّی ینگی آچیلگن یره کبی اونینگ قلبیگه آغریق سالردی. اېندی اونینگ حیاتیگه سایه سالگن اچّیق سوال شوندهی اېدی: عبدالرئوف ینه بیلیم و کېلهجگی سری یۉلینی دوام اېتتیره آلهدیمی یاکه همه نرسه پارتلش کولیده و یاپیق اېشیکلر آرتیده ابدي یۉقالیب کېتهدیمی؟
عبدالرئوفنینگ باشلهشی
1383 ییل نینگ قهرتان قیش کونلریدن بیریده، جاغوری اولسواللیگی نینگ «المیتو» قیشلاغیدهگی لایدن قوریلگن بیر اویده چقهلاق دنیاگه کېلدی. اونینگ اسمینی عبدالرئوف قۉییشدی. اوی تشقریسیده تاغلر قلین قار یاغینی آستیده آغیر سکونتگه چۉمگن اېدی. یۉللر، خودّی باشقه قیشکی تون-کونلردهگیدېک، بېرک و جیم اېدی. آدملرنینگ حیاتی امکانیتلرنینگ کېسکین تنقیصلیگی باعث کتّه قیینچیلیکلر بیلن کېچردی. ییللر دوام اېتگن قورغاقچیلیک قیشلاق نینگ اقتصادي کوچینی سوسهیتیرگن، قیشده اېسه آچرچیلیک و انبارلرده آز بۉلگن ذخیره توگهب قالیشی قۉرقووی آدملرنینگ کۉکسیگه چۉغدهی چۉکردی. بو چقهلاق عایلهسی نینگ ایکّینچی آتی « حسنیار» اېدی. عبدالرئوف نینگ عایلهسی او توغیلگن ایلک کوندهناق یورهگیده بیر آرزو سقلردی: بیر کون کېلیب او قۉلیده کتاب و قلم بیلن، منه شو موزلهگن تاغلردن اۉتیب، اۉزیگه و خلقیگه یاروغراق کېلهجک قوریب بېرسین.
عبدالرئوف نینگ بالهلیگی جاغوری تاغلری نینگ بغریده، عایلهسی نینگ مهربان قوچاغیده اۉتدی. او اۉن بیر یاشگچه سادّه قیشلاق حیاتی محیطیده اولغهیدی. چنگ و تاشگه تۉله فوتبال میدانی اونینگ بالهلیک اۉیین میدانی اېدی. هر تانگ، آنهسی قیینچیلیک بیلن تندورنی یاقیب پیشیرگن ینگی نان نینگ هیدی اونینگ کونینی باشلب بېرر، کېچقورون اېسه آتهسی نینگ حیات مشقتلری و کېلهجککه امید حقیدهگی اېرتکلری اونینگ بالهلرچه آرزولریگه چیراق بۉلیب یانردی.
عبدالرئوف اولغهیگن سایین اونینگ دنیاسی هم باشقهچه توس آلدی. اېندی عادي بالهلیک اۉیینلری اۉرنینی جاغوری قیشلاغی نینگ قدیمي عادتیگه کۉره عایلهدهگی اېرککلر بیلن بیر صفده محنت قیلیش اېگهلهدی. او اېرته تانگده قۉیلرنی تاغ اېتکلریگه هَیدهب چیقردی، چاشکه پیشین محلیده اېسه چرچهگن آیاقلری و قوروق لبلری بیلن قَیتیب کېلردی. سۉنگره مکتبگه یۉل آلر اېدی. اونینگ مکتبدهگی کونلری هم آسان اېمسدی؛ اۉقياتگن مکتبیده حتا یېترلی بنا هم یۉق اېدی، بالهلر کۉپینچه توپراققه یاکه چادر آستیگه اۉتیریشگه مجبور بۉلیشردی. شونگه قرهمهی، توشدن کېین مکتبدن قَیتگچ، بالهلیک قووانچی اوچون لحظهلر هم بار اېدی: قیشلاق نینگ چنگ-تۉزانلی میدانیده اېسکی، ییرتیق تۉپ بیلن فوتبال اۉینش و تاغلر آرهسیده جرنگلهگن کولگولر.
عبدالرئوف اۉشه جاغوری تاغلری بغریدهگی بالهلیک ییللرینی اېسلر اېکن، اۉیینلر و کونلیک مشغولاتلرگه کۉپراق بېریلگنینی، اۉقیشگه اېسه اونچهلیک قیزیقمهگنینی ایتهدی. اونینگ کونلری قۉی باقیش و چنگ-تۉزانلی میدانده فوتبال اۉینش بیلن اۉتر، عادي بناگه اېگه بۉلگن صنفلرده اۉقیش اېسه کۉپراق مجبوريت بۉلیب تویولردی، چینهکم ذوق اېمس. شونگه قرهمهی، او اۉشه شۉخ و سېرحرکت کونلردن صبر، مسوولیت و ماسلشووچهنلیک نینگ پایدېوارینی آلگن اېدی.
امید مداریده حرکت
عبدالرئوف زمانی که صنف پنجم بود، خانوادهاش تصمیم گرفتند زندگی در دشواریهای جاغوری را رها کنند و به کابل کوچ کنند تا فرصتهای بهتری برای آینده فراهم شود. آنان به کابل رفتند و عبدالرئوف بېشینچی صنفده اۉقياتگن کېزلری، عایلهسی جاغوریدهگی آغیر شرایطلرنی آرتده قالدیریب، کېلهجک اوچون یخشیراق امکانیت ایزلب کابلگه کۉچیشگه قرار قیلدی. اولر کابلگه باریب، دشت برچی منطقهسیده بیر اوی اجارهگه آلیشدی. عبدالرئوف اوقیشنی دولت مکتبی عبدالرحیم شهید مکتبیده دوام اېتتیردی و استه-سېکین ینگی محیط همده کتّه اۉقووچیلر جماعهسیگه کۉنیکیب باردی. شو بیلن بیرگه، عایلهسی اونینگ کېلهجک امکانیتلرینی کوچهیتیریش اوچون اونی انگلیس تیلی کرسیگه یازدیردی. مقصد کېلگوسیده اۉقیش امکانیتلرینی یخشیراق تعقیب قیلیش اېدی. اېندیلیکده عبدالرئوف نینگ کونلری مکتب درسلری و تیل اۉرگنیش مشغولاتلری آرهسیده اۉتر، شهر محیطی اېسه اونگه ینگی هیجانلر و قیینچیلیکلر هدیه اېتر اېدی.
عبدالرئوف بالهلیگیده جاغوریده اۉقیشگه اونچه قیزیقمهگن باله کابلگه کېلیب انگلیس تیلی کورسیگه یازیلگچ، اۉزینی بوتونلهی ینگی بیر وضعیتده تاپدی. او مثلسیز تیریشقاقلیک و دقّت بیلن شغللنه باشلهدی و نتیجهده، انگلیس تیلی بۉییچه ایلک کتابنی توگهتیش امتحانیده، کۉپلری اوندن بیر نېچه یاش کتّه بۉلگن اۉقووچیلر آرهسیده اېنگ یوقاری بهانی آلدی. اوّلیگه اونینگ آته-آنهسی بونگه ایشانمهدی، حیرت و عجب بیلن بو یوتوق حقیده گپیریشدی. اېرتهسی کونی آتهسی عبدالرئوفنی یانیگه آلیب کورسیگه باردی و استاذیدن سۉرهب بیلدیکی، «حقیقتاً هم عبدالرئوف بیرینچی اۉریننی آلگن اېکن.» بو واقعه کتّه بوریلیش نقطهسیگه ایلندی: اېندی همه 12 یاشلی بیر باله نینگ کوچلی محنت و قطعیت بیلن اۉزیدن انچه کتّه یاشدهگیلر قطاریده اجرهلیب چیققنینی کۉریب، اونگه اعتبار قرهتدی. شو آندن باشلب عبدالرئوف نینگ نامی تعلیم محیطیده و اطرافدهگیلر آرهسیده تیلگه آلینهدیگن بۉلدی همده او اقتدارلی اۉقووچی صفتیده اۉز اۉرنینی مستحکملهدی.
بیر ییل اۉتگچ، عبدالرئوف عبدالرحیم شهید مکتبی نینگ آلتینچی صنفیگه اۉقیشگه کیرگنده، ینه بیر بار اونینگ استعدادی و محنتسېورلیگی فقط بیرته علم یاکه یۉنهلیش بیلن چېکلنمهگنینی اثباتلهدی؛ او بو ییلده هم صنفداشلری آرهسیده بیرینچی اۉریننی اېگهللب، ینه بیر بار عایلهسی و استاذلری نینگ تحسینینی قازاندی. بو یوتوق فقطگینه وقتینچهلیک حادثه اېمس، بلکه اونینگ کېینگی اۉسیشی و یوتوقلری اوچون پایدېوار بۉلدی. کېینگی ییلی عبدالرئوف تینیمسیز محنتی و اۉزیگه خاص فداییلیگی بیلن نهفقط اۉز صنفیده، بلکه عبدالرحیم شهید مکتبی نینگ بوتون یېتّینچی صنفلری آرهسیده هم بیرینچی اۉریننی اېگهللشگه موفق بۉلدی و اۉقووچیلر همده استاذلر آرهسیده نمونهلی و استعدادلی اۉقووچی صفتیده تنیلدی. بو کېتمه-کېت یوتوقلر شونی کۉرسهتدیکی، عبدالرئوف جاغوريدهگی نسبتاً سست باشلنیشیگه قرهمهی، محنت و تینیمسیزلیک آرقهلی اۉقوو محیطیده اۉزیگه خاص اۉرین اېگهللب، پارلاق کېلهجک سری یۉل آلدی.
انگلیس تیلی مهارتی
اۉقووچیلیک دوری عبدالرئوف اوچون کابلده جوده کۉپ قیینچیلیکلر بیلن اۉتدی. او بیر وقت نینگ اۉزیده عبدالرحیم شهید مکتبیده هم، «ستاره» اۉقوو مرکزیده هم درس آلردی، بیراق ایکّله جای هم اولر نینگ اوییدن اوزاقده جایلشگن اېدی. هر کونی او دېیرلی اوچ ساعت پیاده یوریب، اۉشه جایلرگه باریب-کېلیشگه مجبور بۉلردی. اولرنینگ اویی شهر چېکّهسیده جایلشگن بۉلیب، اوزاق یۉل و قَیتیش سفرلری اۉن ایکّی یاشلی باله نینگ یېلکهسیگه آغیر یوک بۉلیب توشر و اونی جوده چرچهتردی. فقطگینه اوزاق یۉل و جسماني چرچاق اېمس، بلکه عایله نینگ مالیوي معمالری هم اونگه قۉشیمچه باسیم بۉلردی؛ آتهسی اېرکین ایشچی صفتیده دایمي ایشسیز اېدی و افغانستاندهگی عمومي اقتصادي شرایطگه موافق، هر دایم ایشلشگه مجبور بۉلیب، دَم آلیش امکانیتیگه اېگه اېمس اېدی. شو باعث، عایله اېنگ کم شرایطلرده کوندهلیک حیاتینی آلیب باریشگه مجبور بۉلردی.
عبدالرئوف شو طریقه مشقتلی، اما برکهلی یۉلینی دوام اېتتیردی و نهایت، سکّیزینچی صنفده حیاتیدهگی مهم بیر نقطهگه یېتیب کېلدی. او انگلیس تیلی بۉییچه «ستاره» اۉقوو مرکزینی اېنگ یوقاری بها و اعلی درجه (90+) بیلن تماملشگه موفق بۉلدی. بو یوتوق اونینگ تینیمسیز محنتلری و چرچاققه تۉله تونلری نینگ ضایغ کېتمهگنینی کۉرسهتردی. اونینگ تیل بیلیمی بو یاشیده شوندهی درجهگه یېتدیکی، نهفقط تېنگداشلری، بلکه اوندن کتّه یاشدهگی اۉقووچیلر بیلن سالیشتیریلگنده هم او علیحده کۉزگه تشلنر اېدی. انه شو محنتسېورلیک، کوندهلیک قیینچیلیکلرگه اوزاق یۉللر چرچاغیدن تارتیب عایله نینگ مالیوي باسیمیگچه برداش بېریشی بیلن قۉشیلیب، اونده استه-سېکین ینگی بیر عاملیت حاصل قیلدی؛ بو اېسه «قیله آلهمن» دېگن ایشانچ و اۉزیگه بۉلگن قطعي ایشانچ اېدی. شو باعث، او کېلهجگینی اۉز قۉللری بیلن قوریش ممکن لیگیگه و اطراف-محیطدهگی چېکلاولر اونینگ یۉلینی تۉسیب قۉیه آلمهسلیگیگه تاباره کۉپراق ایشانر اېدی.
16 یاشیده، حلی هم عبدالرحیم شهید مکتبی نینگ 9-صنف اۉقووچیسی بۉلگنیده، عبدالرئوف عایلهسیگه یاردم بۉلیش و اۉز قابلیبلرینی عملده سینهب کۉریش اوچون ایش ایزلهی باشلهدی. اونینگ ایزلنیشلری اونی «کامپیوتر هاوسې» اۉقوو مرکزیگه آلیب باردی. اوّلیگه او یېرده انگلیس تیلی اۉقیتووچیسی صفتیده ایش باشلهدی. دستلبکی کونلردناق یخشی تیل بیلیمی و ایشگه جدّي یاندشووی بیلن شوندهی صلاحیت کۉرسهتدیکی، تېز آرهده اۉقوو مرکزی رهبریتی نینگ ایشانچینی قازاندی و انگلیس تیلی بۉلیمی مدیری اېتیب تعیینلندی. بو ینگی مسوولیت اونگه کتّه امکانیت اېشیگینی آچدی: او فقط درس بېریش بیلنگینه چېکلنمهی، بلکه اۉقوو موادلرینی تیارلش، تعلیم دستورلرینی ایشلب چیقیش و صنفلر جدولینی رېجهلشتیریشده هم اساسي رۉل اۉینهدی. شو طریقه، عبدالرئوف یاشیگه نسبتاً انچه کتّه مسوولیتلرنی هم ذمّهسیگه آله بیلیشینی نمایان اېتدی.
این تجربه، اعتمادبهنفس بزرگی به عبدالرئوف بخشید و او را به این باور رساند که میتواند در مسیرهای بلندتر و دشوارتر گام بردارد. چندی بعد، با بلندپروازی و صلابتی مثالزدنی، به یکی از بهترین و معتبرترین آموزشگاههای زبان انگلیسی کابل، آموزشگاه «ستاره»، درخواست کار بهعنوان آموزگار داد. در آزمون رقابتی ورودی قبول شد، اما مسئولان آموزشگاه بهدلیل سن کمش از پذیرش او خودداری میکردند و میگفتند باید دستکم صنف دوازده را تمام کرده باشد. بعد از تلاشهای زیاد سرانجام درخواست پذیرفته شد، اما چون تازهکار بود و تدریس را در یکی از برترین آموزشگاههای کابل آغاز کرده بود، بهترین زمانهای تدریس به او داده نشد. اولین صنف درسی او ساعت پنج صبح زمستان تعیین شد؛ ساعتی که در آن سرمای جانسوز کابل همه چیز را به یخ تبدیل میکرد. عبدالرئوف مجبور بود هر روز ساعت چهار صبح از خانهای که در حاشیه شهر قرار داشت، راه بیفتد. صبحها کرایه موتر را از مادرش میگرفت و چون هنوز سن کمی داشت، مادر و برادرش او را تا ایستگاه موترهای کوته سنگی همراهی میکردند. این صحنههای پر از سختی و محبت خانوادگی، بخشی از شالودهی استقامت و شخصیت آیندهی عبدالرئوف شدند.
بو تجربه عبدالرئوف گه کتّه اۉزیگه ایشانچ بغیشلهدی و اونگه ینه-ده یوکسک و مشقتلی یۉللرده هم قدم تشلهی آلیشینی اثباتلهدی. آرهدن کۉپ اۉتمهی، او جسارت و قطعیت بیلن کابلدهگی اېنگ یخشی و نفوذلی انگلیس تیلی اۉقوو مرکزلریدن بیری «ستاره»گه اۉقیتووچی صفتیده عریضه تاپشیردی. کیریش امتحانیدن موفقیتلی اۉتسه-ده، مرکز رهبریتی اونینگ یاشینی بهانه قیلیب قبول قیلیشنی ایستهمس، هېچ بۉلمهگنده 12-صنفنی توگهتیشی کېرهکلیگینی ایتر اېدی. کۉپ مرته اورینیشی و قطعیتی نتیجهسیده آخر-عاقبت عریضهسی قبول قیلیندی. بیراق ینگی بۉلگنی اوچون همده کابلدهگی اېنگ مشهور مرکزلردن بیریده اېندیگینه ایش باشلهگنی سببلی، اونگه اېنگ یخشی درس ساعتلری بېریلمهدی. اونینگ بیرینچی درسی قیشده اېرتهلب ساعت بېشگه بېلگیلندی کابل نینگ جاننی موزلهتهدیگن ساووقلریده همه نرسه قاتیب قالهدیگن بیر وقتده. عبدالرئوف هر کونی ساعت تۉرتلرده شهر نینگ چېکّهسیده جایلشگن اوییدن چیقیب یۉلگه توشردی. اېرتهلب اتوبوس یۉل کراسینی آنهسیدن آلر، یاشلیگی سبب آنهسی و اکهسی اونی کوته سنگی اتوبوس بېکتیگچه کوزهتیب قۉییشردی. منه شو قیینچیلیک و عایلهوي مِهرگه تۉله منظرهلر، عبدالرئوف نینگ کېلهجکدهگی صبر-طاقتی و مستحکم کرکتری نینگ پایدېواریگه ایلندی.
عبدالرئوف ۱۷ ساله در آموزشگاه ستاره، یکی از مشهورترین آموزشگاههای شهر کابل استاد شد.
یاروغلیک تامان
عبدالرئوف کابلگه کېلگن ایلک کونلری نینگ بیریده امریکا قۉشمه ایالتلریده اۉقیش اوچون تحصیلی بورسیه قۉلگه کیریتگن بیر انسان بیلن تنیشیب قالدی. بو اوچرهشوو اونینگ حیاتیده بوریلیش نقطهسیگه ایلندی؛ چونکه او ایلگری بوندهی امکانیتلرنی دېیرلی افسانه دېب بیلردی. حتی اگر موجود بۉلسه هم، اولرنی افغانستاندهگی دولت بیلیم یورتلریگه کیریش امتحانیگه اۉخشهتردی: «گر جوده بلند نمره آلسنگیز، بیلیم یورتلری سیزنی آلیش اوچون تیک اوچر یوبارهدی،» دېب هزللشردی.
اما اۉشه عادي صحبت چاغیده او ایلک بار تحصیلی بورسه آلیش جریانی حقیقي اېکنینی انگلب یېتدی: تیلنی چوقور اۉرگنیش، خلق ارا امتحان تاپشیریش، عریضه یازیش و قدم-بهقدم حرکت قیلیش کېرهکلیگینی توشوندی. اۉشه لحظهده اونینگ آنگیده ینگی اوچقون پیدا بۉلدی و حیات یۉنهلیشی اۉزگردی. عبدالرئوف اۉزیگه انیق مقصد قۉیدی و قطعي اراده بیلن تیلنی منتظم اۉقیشگه، خلق ارا امتحانلرگه تیارلنیشگه بېل باغلهدی. شوندن کېین بوتون اعتبارینی انگلیس تیلی بیلیم درجهسینی انیقلش امتحانی (دولینگو) اېنگلیس امتحانیگه قرهتدی و نهایت 1400-ییلده (2021) ایلک امتحانیده 135 نمره آلدی. بو نتیجه اونینگ اوچون نهفقط بیر یوتوق، بلکه اۉز قابلیبلرینی اثباتلش و ینگی یۉل نینگ باشلنیشی رمزی بۉلدی.
1400-ییل قیشیده، کۉپ محنت و اضطرابلردن سۉنگ، عبدالرئوف نهایت حیاتیدهگی ایلک کتّه یوتوغینی نشانلهدی: او امریکا قۉشمه ایالتلری نینگ نفوذلی مکتبلریدن بیریده اۉقیش اوچون تۉلیق تحصیلی بورسیهنی قۉلگه کیریتدی. قبول خطی چیقدی و بو خبر اونینگ عایلهسی نینگ کیچکینه و سادّه اوییده امید چیراغینی یاقدی. همه ایشانردی بو اولر نینگ فرزندی حیاتیده ینگی باب نینگ باشلنیشی اېدی؛ بیر بابکی، احتمال اونی افغانستاندهگی قشّاقلیک و قیینچیلیکلردن آلیب چیقیب، امکانیتلرگه تۉله دنیاگه اېلتیشی ممکن اېدی. عبدالرئوف نینگ عایلهسی 1401-ییل بهاریده قووانچ بیلن ینگی اۉقوو ییلی نینگ امریکا قۉشمه ایالتلریده باشلنیشینی و سفر امکانیتلری نینگ یرهتیلیشینی اینتیقلیک بیلن کوتر اېدیلر. اولر اۉیلشردی حلی آلدینده سفرگه تیارلنیش و امریکا کېتیش اوچون یېترلی وقت بار.
اما همهسی 1401-ییل بهاریده کوتیلمهگنده اۉزگردی. عبدالرئوف ییللر دوامیده تحصیل آلگن و اۉسمیرلیک خاطرهلرینی یرهتگن اۉشه عبدالرحیم شهید مکتبیده دهشتلی پارتلش یوز بېردی. بو واقعه نهفقط اۉنلب عایلهلرنی ماتمگه چۉمدی، بلکه دشت برچیدهگی جمعیت روحیتینی هم لرزهگه سالدی. عبدالرئوف اۉشه پیتده طلبهلر نینگ آرهسیده اېدی و حادثه نینگ دهشتینی اۉز کۉزی بیلن کۉردی. گرچه وقت اۉتیشی بیلن بو واقعه کۉپلب آدملر نینگ خاطرهسیدن استه-سېکین اۉچیب بارگندېک تویولسه-ده، اۉشه کون نینگ روحي جراحتی عبدالرئوف و اونینگ عایلهسی نینگ قلبیده ابدي ایز قالدیردی. شو حادثهدن کېین اولر نینگ اوییگه آغیر سکونت چۉکدی. عایله نینگ آغیر، اما مجبوري قراری عبدالرئوف پاکستانگه یۉل آلیشی و او یېردن امریکا ویزهسیگه مراجعت قیلیشی اېدی. اما بو امید تېز آرهده اچّیقلیککه ایلندی. ویزهگه بۉلگن التماسی نینگ رد اېتیلیشی نهفقط عبدالرئوف نینگ روحیتینی لرزهگه سالدی، بلکه عایلهسی نینگ هم امیدسیزلیک یوکینی ینهده آغیرلشتیردی.
سۉنگی تیر
عبدالرئوف حسنيار عبدالرحیم شهید مکتبیدهگی پارتلشدن، پاکستاندهگی اچّیق موفقیتسیزلیک و اوچ مرته ویزهسی نینگ رد اېتیلیشیدن کېین حالدن تایگن روح و چرچهگن آنگ بیلن مجبورن ینه کابلگه قَیتیشگه مجبور بۉلدی. هر بیر کۉچهسی اونینگ یادیده قان و پارتلشلرنی جانلنتیریب تورهدیگن شهرگه قَیتیش آسان اېمسدی، اما باشقه چارهسی هم یۉق اېدی. کابلگه قَیتگچ، او مکتب حیاتیدن تۉلیق بیر ییل آرقهده قالگنینی انگلب یېتدی، چونکه 1401-اۉقوو ییلی امتحانلریده قتنهشه آلمهگن اېدی. شونگه قرهمهی، عبدالرحیم شهید مکتبی نینگ اچّیق خاطرهلری و غربي کابلدهگی آغیر خوفسیزلیک محیطیدن قاچیش اوچون او خصوصي مکتبگه اۉتیشگه قرار قیلدی. بو قرار اونگه اۉقیشینی نسبتاً آسایشته دوام اېتتیریش امکانینی بېرردی.
برچه باسیملرگه قرهمهی، عبدالرئوف اۉسمیرلیک ییللریده آرتتیرگن تجربهلری اونینگ اوچون کتّه بایلیککه ایلندی. او تېز آرهده کابل شهریدهگی اېنگ نفوذلی تیل مرکزلریدن بیری بۉلگن (TESOL) تیل اۉقوو مرکزیده انگلیس تیلی اۉقیتووچیسی صفتیده ایشگه قبول قیلیندی. شو طریقه، او اۉقیشینی دوام اېتتیریش بیلن بیرگه، حرفهای اۉقیتووچیلیک تجربهسینی هم اۉز فعالیتیگه قۉشدی. عینِ پیتده، عبدالرئوف خارجي تحصیل بورسیهلر قۉلگه کیریتیش یۉلیدهگی سعی-حرکتلرینی قَیته باشلهدی و بو سفر اوّلگیدن هم مستحکم اراده بیلن میدانگه چیقدی.
1403-ییلده عبدالرئوف خلق ارا (SAT)امتحانیده قتنهشیب، حیرتلنرلی نتیجه — 1510 نمره قۉلگه کیریتدی. بو نتیجه اونی بوتون دنیا بۉییچه امتحانده قتنهشگن یېتّی میلیون اشتراکچی نینگ اېنگ یوقاری ایکّی فایزی قطاریگه آلیب چیقدی. آرهدن کۉپ اۉتمهی، او انگلیس تیلی بۉییچه دولینگو امتحانیده هم (بو امتحان تافلعگه اۉخشهش حسابلنهدی) ینه بیر بار قتنهشدی و بو سفر 140 بال تۉپلشگه موفق بۉلدی. بو یوتوق اونینگ تینیمسیز محنتی تاباره یاروغلیک و جهان مقیاسیدهگی موفقیتلر سری یۉنهلتیریلهیاتگنینی کۉرسهتردی.
عبدالرئوف بو قدَر تینیمسیز محنت و الهام منبعی حقیده سۉرهگنیمده، او بیر زوم هم ایکّیلنمهی جواب بېردی: «متانت و اشتیاق». اونینگ اعتقادیچه، استعداد نینگ اۉزی یېترلی اېمس مشق و محنتسیز او مقصدگه اېلتمهیدی. قیین شرایطلردن اۉتیش اېسه فقطگینه انسان نینگ ایچکی ذوقی و مقصد سری اینتیلیشی بیلن ممکن. عبدالرئوف اوچون اېسه بیلیم آلیشگه بۉلگن چېکسیز اشتیاق و تۉختاووسیز محنتی اۉشه کوچ بۉلدیکی، اونی جاغوری توپراقلی کۉچهلریدن خلق ارا تیل اۉقوو سالونلریگه آلیب چیقدی؛ پارتلشلر و محروميتلر آغوشیدن اېسه (SAT) امتحانیده دنیا نینگ اېنگ سره طلبهلر قطاریگه کۉتردی.
1403-ییل قیشیده، ساعت اۉنلر اطرافیده عبدالرئوف درسلریدن بیریده مشغول اېدی. شو پیت بیردن تېلفونیده خبر کېلگنینی کۉریب قالدی. ایمیلنی آچیلگنده اونده شوندهی یازیلگندی: «سیز تورنتو بیلیم یورتی نینگ لیستر بی. پیرسن تحصیلی بورسیه نینگ غالبی بۉلدینگیز.» بیر لحظهگه نفس آلالمهی قالدی. شو آنده قلبیده قووانچ تۉلقینی کۉتریلدی، اما تشقی کۉرینیشینی ساکن سقلهدی. صنفدن چیققچ، اوی تامان یۉلگه توشدی. هر بیر قدمی هوادن هم یېنگیل اېدی؛ گۉیا آیاقلری آستیده یېر یۉقدهی، او آسمانده اوچیب کېتهیاتگندهی حس قیلدی. اۉشه یۉلده، کابل نینگ قهرتان ساووغی اونگه اېندی اۉتکیر اېمسدی؛ ییللر دوامیده کورهشیب کېلگن آرزولری نینگ ایسّیقلیگی بوتون وجودینی قمرهب آلگندی.
تورنتو بیلیمی یورتیدهگی لیستر بی. پیرسن (Lester B. Pearson) تحصیلی بورسیه خلق ارا اۉقووچیلر اوچون اېنگ نفوذلی اۉقوو گرهنتلریدن بیری دیر. اوشبو تحصیلی بورسیه کارشناسلیک مقطع باسقیچیده بوتون دنیادن اۉقووچیلریگه تقدیم اېتیلهدی. او اۉقیش تۉلاولری، کتابلر، یاتاقخانه و باشقه برچه خرجتلرنی تۉلیق قاپلهیدی. هر ییلی تخمیناً 37 نفر اېنگ اقتدارلی طلبهگه بېریلهدی. بو مددمعاشنی آلیش اوچون اوّلا طلبه اۉز مکتبی تامانیدن نامزاد صفتیده کۉرسهتیلیشی، سۉنگره تورنتو بیلیم یورتیدن قبول آلیشی کېرهک. بیرینچی تنلنگن متخصصلیک جوده مهم، چونکه تحصیلی بورسیه فقط شو یۉنهلیش اوچون عمل قیلهدی. مذکور دستور نهفقط مالیوي یاردم بېرهدی، بلکه اقتدارلی طلبهلر اوچون ایلغار علمي و مدني محیطده اۉقیش امکانیتینی یرهتهدی همده دنیا نینگ اېنگ نفوذلی یونیورسیتیلریگه یۉل آچیب بېرهدی.
عبدالرئوف حسنيار افغانستان یشاوچیلریدن بیرینچی بۉلیب تورنتو بیلیم یورتی نینگ لیستر بی. پیرسن تحصیلی بورسیهسینی قۉلگه کیریتدی. بو شرَف افغان اۉقووچیلری و عایلهلری اوچون ینگی افقلرنی آچیب بېردی. عبدالرئوف تورنتو بیلی یورتی نینگ لېستېر ب. پېرسان تحصیلی بورسیهسیدن تشقری ینه اوچته تۉلیق خلق ارا تحصیلی بورسیه هم قۉلگه کیریتیشگه موفق بۉلدی: بېرلین شهریدهگی بارد کالج بورسیهسی، جَنوبي کوریا کایست بیلیمی یورتی تحصیلی بورسیهسی، کلمبا بریتیش بیلیم یورتی تحصیلی بورسیهسی اوشبو تحصیلی بورسیهلرنینگ برچهسی خلق ارا اۉقووچیلر اوچون مۉلجللنگن.
عبدالرئوف حاضرده دنیا نینگ اېنگ آبرولی و مشهور عاليگاهلریدن بیری تورنتو بیلیم یورتیده یورنتو بیلیم یورتیده تحصیل آلیب بارماقده. او کامپیوتر (Co-op Computer Science)یۉنهلیشیده اۉقيدی و اۉز علمي یۉلینی بېنظیر متانت بیلن دوام اېتتیرماقده. تورنتو بیلیم یورتی کامپیوتر بیلیملر فاکولتهسیده آلینگن بیر صورتده 65 نفر اۉقووچی تورلی ملت و نژاد نمایندهلری صفتیده بیرگهلیکده تصویرلنگن. اولر نینگ آرهسیده بلند بۉیلی، یوزیدن تبسم یاغیلیب تورگن افغان ییگیت عبدالرئوف هم بار. اونینگ خاطرهسیده افغانستان بیر وقت نینگ اۉزیده ایجادي و بنیادکار تجربهلر منبعی، شو بیلن بیرگه آغیر و اچّیق خاطرهلر مکانی صفتیده مُهرلنیب قالگن.
