اسپانیانینگ رئال مادرید و بارسلونا تیملری لالیگانینگ اۉنینچی هفتهسیده، موسمدهگی ایلک الکلاسیکوی اوچرهشوویده اۉز ارا مسابقه قیلهدی.
اوچرهشوو بوگون، یکشنبه، ۴ عقرب، کابل وقتی بیلن ساعت۱۹:۴۵ده رئال مادرید نینگ اوی ستدیونی سانتیاگو برنابئو ده بۉلیب اۉتهدی.
بو اۉیین عرفهسیده رئال مادرید ایکّی نمرهلیک اوستونلیک بیلن تورنیر جدولی نینگ چۉقّیسیده جایلشگن و بوگونگی اوچرهشووده غلبه قازانیب، اۉز اۉرنینی مستحکملشنی مقصد قیلگن.
عکسینچه، اگر بارسلونا مهمان بۉلیب توریب رئال مادریدنی مغلوب اېتسه، ینه لالیگا جدولیده بیرینچی اۉرینگه قَیتهدی.
بوگونگی الکلاسیکوی بارسلونا مربيی هانسی فلیک رئال مادرید استاذی ژابی آلونسو اۉرتهسیدهگی ایلک اوچرشووو بۉلهدی.
اۉتگن موسمده فلیک باشچیلیگیدهگی بارسلونا تۉرتله لکلاسیکویده هم غلبه قازانگن و ایچکی اوچته ساوریننی قۉلگه کیریتگن اېدی.
باشقه تاماندن، رئال مادرید فوتبالچیلری، اینیقسه کیلیان امباپه ، عجایب سپورت فورمسیده. بیراق فلیک جماعهسی کۉپلب جراحت آلگن فوتبالچیلرسیز مادریدگه سفر قیلگن.
کیلیان امباپه شو پیتگچه بو موسمده لالیگا ده ۱۰ ته گول اورگن و اعلی درجهده اۉیین کۉرسهتماقده.
اما بارسلونا بوگونگی الکلاسیکوده رابېرت لېوهنداوسکی، روبرت لواندوفسکی ، رافینیا، خوان گارسیا و گاوی جراحت سبب فایدهلنه آلمهیدی. شونینگدېک، هانسی فلیک قیزیل کارت آلگنی اوچون بوگونگی اۉیینده تخنیکي حدودده بۉله آلمهیدی.
اگر رئال مادرید بوگون غلبه قازانسه، بارسلونادن بېش نمرهگه اوزاقلشهدی. اما مغلوب بۉلسه، جدولده بیر نمرهگه آرتده قالهدی.
بوگونگی الکلاسیکو ایکّی جماعهنینگ تاریخدهگی ۲۶۲اوچرهشووی حسابلنهدی. حاضرگچه رئال مادرید ۱۰۵ مرته، بارسلونا اېسه ۱۰۴ غلبه قازانگن.۵۲ ته اۉیین دورنگ بیلن یکونلنگن.
سانتیاگو برنابئوده رئال مادرید و بارسلونا اوچرهشووی، جدول چۉقّیسینی کیم اېگهلهیدی؟
