ایران جمهور رییسی مسعود پزشکيان، امریکا قۉشمه ایالتلری بیلن مذاکرهلرده هېچ قندهی قرار بو مملکت رهبری مجتبی خامنهاینینگ رخصتیسیز قبول قیلینمسلیگینی ایتدی.
ایران یېتکرمهلری بوگون (یکشنبه،۳جوزا) خبر بېریشیچه، پزشکيان صدا و سیما تشکیلات رهبرلری بیلن اوچرهشووده شوندهی دېگن: «عالي ملي خوفسیزلیک کېنگشی دایرهسیدن تشقریده و عالي رهبر حضرتلری نینگ موافقلیگی همده اذنیسیز هېچ قندهی قرار قبول قیلینمهیدی.»
او برچه ادارهلر و آقیملرنی احتمالي کېلیشوونی قۉللب-قوّتلشگه چقیریب، شوندهی دېدی: «دیپلوماتیک ساحهسیده بیر قرار قبول قیلینگنیده، برچه تشکیلاتلر، منبرلر و آقیملر اونی قۉللب-قوّتلشی کېرهک، تاکه ایران اسلام جمهوریتیدن دنیاگه یگانه و اویغون آواز یېتیب بارسین.»
پزشکيان مذاکرهلر جریانی حقیده تفصیلات بېرمهگن، بیراق امریکا جمهور رییسی دونالد ترامپ تیناوون کېچقورون ایران بیلن باغلیق مسألهلرنینگ کتّه قِسمی مذاکره قیلینگنی و کېلیشوو یکوني باسقیچگه یېتگنینی اعلان قیلگن اېدی.
او تروثسوشیال ترماغیده یازگن خبریده منطقه رهبرلری و اسرایل باش وزیری بیلن کېلیشووگه اېریشیش یوزهسیدن جوده یخشی صحبتلر اۉتکزگنینی بیلدیرگن.
ترامپنینگ ایتیشیچه، ایران و امریکا حاضر کېلیشوونی یکونلش جریانیده.
حاضرگچه ایکّی دولت اۉرتهسیدهگی احتمالي کېلیشوو تفصیلاتلری عامهگه آشکار قیلینمهگن.
