افغانستان اوچون بریتانیانینگ اېلچیخانهسی قیز کونی مناسبتی بیلن بریتانیا اۉقیش اوچون جدی چېکلاولر بیلن یوزمه یوز بولگن افغانستان قیزلرینی حمایت قیلهدی دېب اعلان قیلهدی.
۱۹میزانگه تېنگ بۉلگن ۱۱اکتبر، بیرلشگن ملتلر تشکیلاتینینگ عمومی مجمعسی تامانیدن قیز خلق ارا کونی دېب نام بېریلگن.
بریتانیا اېلچیخانهسی نینگ بو مناسبت بیلن اۉزی نینگ ایکس صحیفهسیگه یازیشیچه، «قیزلر اۉقیشی اولرنینگ کوچلهنیشیگه سبب بۉلهدی، جمعیتنی هم کوچیتیرهدی و اقتصادی رواجلهنیشنی یرتهدی.»
بریتانیا اېلچیخانهسی «یریم جمعیتی آرتده قالدیریلگن هیچ بیر مملکت رواجلهنیش چۉقیلریگه یېته آلمهیدی.» دېب تاکیدلهگن.
طالبلر قدریتگه اېریشگندن سۉنگ قیزلرنی اۉقیشدن محروم قیلدی. شونینگدېک افغانستان عیال داکترلر کملیگی بیلن روپه ره بۉلگن بیر چاغده حتی پزشکی اۉقیشلرنی قیزلر اوچون منع قیلگن دیر.
یونسکونینگ رسمی حساب – کتابلریگه کوره، افغانستانده آلتینچی صنف دن یوقاری ۴.۱ میلیون قیز مکتب باریشدن محروم قیلینگنلر.
دنیا مملکتلر و افغانستان وطنداشلری تۉرت ییل ایچیده طالبلردن بار-بار خاتین –قیزلرگه تعلیم آلیش رخصتی بېریلیشینی سۉرهدیلر؛ لېکن، بو گروه بو ایستکلرنی نظرده توتمهگن
بیرلشگن ملتلر تشکیلاتینینگ آلیب بارگن سۉراولری افغانستان یشاوچیلرینینگ 92 فایزی قیزلر تحصیل قیلیش کېرهکلیگینی فکر قیلهدیلر دېگن خلاصهنی کۉرستگن.
