ایران تشقی ایشلر عباس عراقچی پاکستانگه سفر قیلیب، اوشبو مملکت باش وزیری شهباز شریف بیلن اوچرهشدی و امریکا همده اسرایل بیلن اوروشنی تۉختهتیش و اۉت آچیشنی تۉختهتیش مسألهلرینی محاکمه قیلدی.
ایران تشقی ایشلر وزیرلیگینینگ یازیشیچه، عراقچی پاکستان یوقاری مرتبهلی رسميلرینینگ اوروشنی یکونلش، اۉت آچیشنی تۉختهتیش و مذاکرهلرگه مېزبانلیک قیلیش بارهسیدهگی سعی-حرکتلرینی یوقاری بهالهگن.
مذکور وزیرلیکنینگ قۉشیمچه قیلیشیچه، عراقچی، شونینگدېک، «ایراننینگ اۉت آچیشنی تۉختهتیش و اونگه قرشی آلیب باریلهیاتگن مجبوري اوروشنی تۉلیق یکونلش بیلن باغلیق سۉنگگی اۉزگریشلر یوزهسیدن موضعینی توشونتیریب بېردی.»
عراقچی بوندن اوّل پاکستان اوردوسی قوماندانی عاصم منیر بیلن هم اوچرهشیب، اۉت آچیشنی تۉختهتیش و پاکستاننینگ ایران همده امریکا اۉرتهسیدهگی واسطهچیلیک سعی-حرکتلری بیلن باغلیق مسألهلرنی محاکمه قیلگن اېدی.
ایران تشقی ایشلر وزیری پاکستاندن کېین عمان و روسيهگه باریب، اوشبو دولتلر رسميلری بیلن هم اۉت آچیشنی تۉختهتیش و امریکا همده اسرایل بیلن اوروش مسألهلرینی بحث قیلیشی کوتیلماقده.
