ایراننینگ خاتم الانبیا مرکزي قرارگاهی مملکت قوراللی کوچلرینینگ اسرایلگه قرشی حربي عملیاتلری تۉختهتیلگنینی اعلان قیلدی.
قرارگاه بیاناتیگه کۉره، اگر اسرایلنینگ هجوملری و «تجاوزکار حرکتلری»، جملهدن لبنان جَنوبیدهگی حرکتلری دوام اېتسه، اوّلگیدن هم کېسکینراق و کوچلیراق جواب چارهلری کۉریلهدی.
بیاناتده ایتیلیشیچه، ایراننینگ اسرایلگه قرشی هجوملری اسرایلنینگ لبنان جَنوبی همده بیروتدهگی ضاحیه حدودیگه اویوشتیرگن ضربهلریگه جوابن عملگه آشیریلگن و اسرایل همده اونینگ اتفاقچیلری بوندن «سبق آلیشی کېرهک».
مذکور بیانات دانالد ترامپ اسرایل و ایران اۉرتهسیده زودلیک بیلن اۉت آچیشنی تۉختهتیش بۉییچه حرکتلر آلیب باریلهیاتگنینی معلوم قیلگنیدن سۉنگ اعلان قیلیندی.
ترامپ نینگ سۉزلریگه کۉره، تینچلیککه عاید یکوني مذاکرهلر دوام اېتماقده، بیراق اَیریم ناتۉغری قرارلر یاکه کوتیلمهگن حادثهلر بو جریانگه تۉسقینلیک قیلیشی ممکن.
کېچه اسرایلنینگ بیروت شهریگه اویوشتیرگن هجوملریدن سۉنگ، ایران سپاه پاسداران کوچلری اسرایلنینگ شمالي حدودلریگه ضربهلر بېرگن و تامانلر اۉرتهسیدهگی تۉقنهشوولرنینگ ینگی باسقیچی باشلنگن.
