رومانیا حکومتینینگ معلوم قیلیشیچه، روسيهنینگ اوکراینگه تونگی هجوملری دوامیده روسيه تامانیدن اوچیریلگن بیر درون ناتو اعضاسی بۉلگن اوشبو مملکت حدودیدهگی تورر-جای مجموعهسیگه کېلیب اوریلگن و کمیده ایکّی کیشی جراحت آلگن.
رویترز خبریگه کۉره، رومانیا رسميلری بوگون (جمعه،۷ جوزا) اوشبو درون « گالاتی» منطقهسیدهگی۱۰ قبتلی تورر-جای بناسینینگ تامیگه اوریلیب، پارتلش صادر بۉلگنینی بیلدیرگن.
ناتو مطبوعات سۉزلاوچیسی آلیسون هارت هم هجومنی تصدیقلب، ناتو روسيه نینگ «احتیاطسیزلیگینی» قارهلشینی و برچه تهدیدلرگه، جملهدن درونلرگه قرشی مدافعهنی کوچهیتیریشده دوام اېتیشینی ایتگن.
او، شونینگدېک، ناتو باش کاتبی مارک روته رومانیا رسميلری بیلن علاقه-ده اېکنینی قۉشیمچه قیلگن.
رویترز معلوماتیگه کۉره، رومانیا تشقی ایشلر وزیرلیگی بو حادثهنی اۉز هوا حدودینینگ همده خلقارا قانونلر نینگ جدّي بوزیلیشی دېب بهالب، بونگه قرشی دیپلوماتیک چارهلر کۉریلیشینی بیلدیرگن.
رومانیا روسيهنینگ اوکراین دریاسی دانوب آرتیدهگی پورتلرگه هجوملری باشلنگنیدن بېری کمیده۲۸ مرته هوا حدودی درونلر تامانیدن بوزیلگنینی و مملکت حدودیگه قولهگن۴۷ درون بۉلکلری تاپیلگنینی معلوم قیلگن.
