قطر امیری شیخ تمیم بن حمد آل ثانی، امریکا جمهور رییسی دونالد ترامپ بیلن تیلفون آرقهلی ملاقات قیلیب، یقین شرقدهگی سۉنگّی وضعیت همده منطقهده کېسکینلیکنی کمهیتیریش و برقرارلیکنی تأمینلش یۉلیدهگی سعی-حرکتلر حقیده صحبتلشدی.
قطر امیری دېوانی بیانات ترقهتیب، مملکت امیری اوشبو تیلفون ملاقاتیده منطقوي خوفسیزلیک و برقرارلیکنی مستحکملش همده کېسکینلیکنینگ ینه-ده کوچهییشی نینگ آلدینی آلیش اوچون سیاسي و دیپلوماتیک یېچیملرگه اوستوار اهمیت بېریش، شونینگدېک برچه تامانلر اۉرتهسیدهگی ملاقات مهم اېکنینی تأکیدلهگنینی بیلدیردی.
بیاناتگه کۉره، ترامپ هم پاکستان نینگ واسطهچیلیک سعی-حرکتلرینی قۉللب-قوّتلش و تورلی تامانلر اۉرتهسیدهگی علاقه یۉللرینی مستحکملشدهگی قطر رۉلینی قدرلهگن همده اوشبو مملکت نینگ کېلیشماوچیلیکلرنی برطرف اېتیش و منطقهدهگی کېسکینلیکنی کمهیتیریش بارهسیدهگی حرکتلرینی آلقیشلهگن.
قطر پاکستان بیلن بیرگه ایران و امریکا اۉرتهسیدهگی کېلیشماوچیلیکلرنی کمهیتیریش همده ایکّی تامان نینگ کېلیشووگه اېریشیشی اوچون زمین یرهتیشگه حرکت قیلماقده.
اوشبو مملکت یقینده ایران پارلمانی باشلیغی محمد باقر قالیباف و تشقی ایشلر وزیری عباس عراقچینی قبول قیلگن اېدی.
ایران عامهوي اخبارات واسطهلرینینگ خبر بېریشیچه، اوشبو تشریف دوامیده اساسن ایران نینگ موزلهتیلگن بایلیکلرینی آزاد قیلیش مسألهسی محاکمه قیلینگن. بو اېسه ایران نینگ امریکا بیلن کېلیشووگه ایریشیش اوچون قۉیگن دستلبکی شرطلریدن بیری حسابلنهدی.
