چین شِمالیدهگی کۉمیر کانیده یوز بېرگن پارتلش عاقبتیده کمیده۸۲ کیشی هلاک بۉلدی، ینه۹ کیشی بېدرَک یۉقالگن.
شینهوا چین دولت خبرگارلیگیگه کۉره، حادثه جمعه کونی (۱-جوزا) کېچقورون ساعت ۷:۳۰اطرافیده شانشی ولایتیدهگی لیوشنیو کۉمیر کانیده صادر بۉلگن.
بو حادثهده حاضرگچه کمیده ۸۲ کیشی نینگ هلاک بۉلگنی تصدیقلنگن، ینه 9 ایشچی بېدرَک یۉقالگن.
دستلبکی تېکشیروولرگه کۉره، فلاکتگه «گاز پارتلشی» سبب بۉلگن.
جراحتلنگنلر سانی حاضرچه انیق اېمس، بیراق بیر قنچه ایشچیلر گازدن زهرلنیش و نفس آلیش معمالری سبب شفاخانهگه آلیب کېتیلگن.
خبرلرگه کۉره، حادثه وقتیده کان ایچیده ۲۴۷نفر ایشچی ایشلهیاتگن بۉلگن.
چین جمهور رییسی شی جینپینگ واقعه سببلرینی انیقلش اوچون «تۉلیق تېرگاو» اۉتکزیشنی بویورگن.
شونینگدېک، او مسوول ادارهلردن جراحتلنگنلرگه زودلیک بیلن یاردم کۉرسهتیش، کان خوفسیزلیگینی کوچهیتیریش و خوفسیزلیکدهگی هر قندهی لاقیدلیککه قطعي چارهلر کۉریشنی طلب قیلگن.
پولیس کان رهبرلرینی حبسگه آلیب، پارتلش سببلری همده ایشچیلر خوفسیزلیگیدهگی احتمالي کمچیلیکلر یوزهسیدن سۉراق قیلماقده.
