سیبیاس خبری ترماغینینگ بعضی «رېجهلشتیریش جریانیدن بېواسطه خبردار منبعلر»گه تهیهنیب خبر بېریشیچه، امریکا قۉشمه ایالتلری ایران بۉییچه احتمالي ینگی هجوملرگه تیارگرلیک کۉرماقده.
اوشبو یېتکرمهنینگ یازیشیچه، «ترامپ ادارهسی جمعه کونی ینگی ضربهلرنی تیارلش جریانیده اېدی، بیراق جمعه آقشامیگچه یکوني قرار قبول قیلینمهگن».
آق اوی مطبوعات سۉزلاوچیسی آنا کلی سیبیاس خبری ترماغیگه ایتیشیچه، امریکا جمهور رییسی دونالد ترامپ نینگ حاضر ایکّیته «قیزیل چیزیغی» بار: «اېران هېچ قچان هسته قورالیگه اېگه بۉلمسلیگی کېرهک و باییتیلگن یورانیومنی سقلب قالالمهیدی».
او احتمالي ینگی هجوملرگه تیارگرلیک حقیده شوندهی دېگن: «جمهور رییس هر دایم برچه وریانتلرنی کۉریب چیقهدی و پنتاگون نینگ وظیفهسی عالي باش قوماندان قبول قیلیشی ممکن بۉلگن هر قندهی قرارنی بجریشگه تیار توریشدیر. اېران کېلیشووگه اېریشمسه، عاقبتلری حقیده جمهور رییسنینگ موضعی جوده انیق».
ترامپ چهارشنبه کونی آگاهلنتیرگن اېدی: اگر ایران قیسقه مدت ایچیده کېلیشووگه اېریشمسه، اونگه قرشی «کېنگ کۉلملی هجوملر» عملگه آشیریلهدی و «هېچ نرسه قالمهیدی».
بونگه جوابن ایران سپاه پاسداران حربی کوچلری هم آگاهلنتیریب، اگر امریکا ینه هجوم قیلسه، اوروشنی «یقین شرقدن تشقریدهگی حدودلرگچه کېنگهیتیریشی» و «تصور قیلیب بۉلمهیدیگن جایلرده آغیر ضربهلر بېریشی»نی بیلدیرگن.
شونینگدېک، ترامپنینگ اۉغلی نینگ تۉی مراسمی شنبه کونی محلي وقت بیلن اۉتکزیلیشی رېجهلشتیریلگن، بیراق او تروثسوشیال یازگن پُستیده «دولت ایشلری» اونینگ اشتراکیگه تۉسقینلیک قیلمسلیگینی ایتگن.
امریکا قۉشمه ایالتلری یېتکرمهلرینینگ خبر بېریشیچه، بعضی یوقاری مرتبهلی حربي و استخبارات رسميلری هم اۉز دَم آلیش رېجهلری بېکار قیلگن.
