نیویورک تایمزگزیتهسینینگ خبر بېریشیچه، امریکا و اسرایل ایران بیلن اوروشنینگ دستلبکی کونلریده ایراننینگ سابق جمهور رییسی محمود احمدی نژادنی مملکت نینگ ینگی رهبری صفتیده ایلگری سورماقچی بۉلگن.
«نیویورک تایمیز» اۉزی نینگ مخصوص گزارشیده شوندهی یازگن: «اسرایل هجوملری اوروش نینگ ایلک تۉلقینلریده ایران اسلام جمهوریتی رهبری و باشقه یوقاری مرتبهلی عملدارلرنی اۉلدیرگنیدن بیر نېچه کون اۉتیب، جمهور رییس ترامپ آچیقچهسیگه ایراننی باشقریش اوچون ایچکریدن کیم دیر حاکمیتنی قۉلگه آلیشی یخشیراق بۉلیشینی ایتدی.»
گزېتهنینگ ینه قۉشیمچه قیلیشیچه: «اېندی معلوم بۉلیشیچه، امریکا و اسرایل اوشبو ماجراده انیق و جوده کوتیلمهگن شخصگه تهیهنگن اېدی: اسرایل و امریکاگه قرشی کېسکین موضعلری بیلن تنیلگن ایران نینگ سابق جمهور رییسی محمد احمدی نژاد.»
«نیویورک تایمیز» امریکالیک عملدارلرگه تهیهنیب یازیشیچه، «اسرایللیکلر تامانیدن ایشلب چیقیلگن و احمدی نژاد بیلن هم محاکمه قیلینگن اوشبو جسارتلی رېجه جوده تېز موفقیتسیزلیککه اوچرهدی.»
نشر امریکالیک عملدارلر همده احمد نژادگه یقین شخصلردن بیری نینگ سۉزلریگه تهیهنگن حالده یازیشیچه، «او اوروش نینگ بیرینچی کونیده اسرایل نینگ تهراندهگی اوییگه اویوشتیریلگن هوا هجومیده یرهلنگن. بو هجوم نینگ مقصدی اونی اوی قماغیدن آزاد قیلیش اېدی. اولر احمدی نژاد هجومدن امان قالگنینی، بیراق بو واقعهدن کېین رژیمنی اۉزگرتیریش لایحهسیدن ساووگنینی ایتگن.»
گزېته معلوماتیگه کۉره، اۉشندن بویان محمود احمدی نژاد عامه آلدیده کۉرینمهگن و اونینگ حاضرگی جایلشووی همده ساغلیغی نامعلوملیگیچه قالماقده.
«نیویورک تایمز» ینه شوندهی یازگن: «احمدی نژاد اوشبو لایحهگه قندهی جلب قیلینگنی همان نامعلوم.»
گزېتهنینگ قۉشیمچه قیلیشیچه، «ایلگری آشکار قیلینمهگن بو اورینیش اسرایل نینگ اېران دیني حکومتینی اغدریشگه قرهتیلگن کۉپ باسقیچلی رېجهسینینگ بیر قِسمی بۉلگن. بو واقعه ترامپ و اسرایل باش وزیری بنیامین نتانیاهو نهفقط اۉز مقصدلریگه قنچهلیک تېز اېریشیش مسألهسیده ناتۉغری حساب-کتاب قیلگنینی، بلکه اېران رهبریتینی اۉزگرتیریش بۉییچه جوده خوفلی رېجهگه تیکیشگنینی هم کۉرسهتهدی. حتا ترامپ نینگ اَیریم یاردمچیلری هم بو رېجهنی رئال اېمس دېب حسابلهگن. اَیریم امریکالیک عملدارلر اینیقسه احمدی نژادنی حاکمیتگه قَیتریش احتمالیگه شبهه بیلن قرهگن.»
آق اوی مطبوعات کاتبی آنا کلی بو بارهده «نیویورک تایمز»گه شوندهی دېگن: «جمهور رییس ترامپ باشیدناق حماسی غضب عملیاتینینگ مقصدلرینی انیق بېلگیلب بېرگن اېدی: ایران نینگ بالیستیک راکتلرینی یۉق قیلیش، اولرنی ایشلب چیقریش انشااتلرینی ایشدن چیقریش، ایران دېنگیز فلوتینی چۉکتیریش و اونینگ پراکسی کوچلرینی ضعیفلشتیریش. امریکا اوردوسی برچه مقصدلریگه اېریشدی، حتا که اوندن هم آرتیغیگه. حاضر اېسه مذاکرهچیلریمیز ایران نینگ هستوي امکانیتینی بوتونلهی توگهتهدیگن کېلیشووگه اېریشیشگه اورینماقده.»
«نیویورک» نینگ یازیشیچه، اسرایل تشقی استخبارات تشکیلاتی موساد وکیلی بو مسألهده ایضاح بېریشدن باش تارتگن.
اېران اوروشی نینگ دستلبکی کونلریده محمود احمدی نژاد امریکا و اسرایل هجوملری نشانیگه ایلنگنی حقیده هم خبرلر ترقهلگن اېدی. دستلب اَیریم یېتکرمهلر اونینگ هلاک بۉلگنینی یازگن، بیراق کېینچهلیک اېران عامه وی اخبارات واسطهلری بو خبرنی رد اېتگن.
«نیویورک تایمیز»نینگ یازیشیچه، اوشبو هجومده احمد نژاد اویی نینگ کیریش قِسمیدهگی خوفسیزلیک پوسته نشانگه آلینگن. کېینگی کونلرده اېران دولت یېتکرمهلری اونی بیر وقت نینگ اۉزیده قۉریقلب و اوی قماغیده اوشلب تورگن سپاه پاسداران اعضالریدن بیر نېچتهسی هلاک بۉلگنینی تصدیقلهگن.
محمود احمدی نژاد 2005-ییلدن 2013-ییلگچه کېتمه-کېت ایکّی مدت اېران جمهور رییسی بۉلگن. او اسرایلنی دنیا خریطهسیدن یۉق قیلیش چقیریقلری، اېران هستوي دستوری نینگ اشدّي طرفداری اېکنی، امریکانی کېسکین تنقید قیلیشی و ایچکی مخالفتگه نسبتاً شفقتسیز باسیملری بیلن تنیلگن اېدی.
بیراق احمدی نژاد سۉنگگی ییللرده ایران رهبرلرینی تاباره کۉپراق تنقید قیلیب کېلماقده و ایکّی مرته جمهور رییسلیک سیلاولریده قتنهشیش اوچون نامزادی رد اېتیلگن.
