روسیه جمهور رییسی ولادیمیر پوتین ایکّی کونلیک تشریف بیلن بوگون کېچقورون (سهشنبه، ۲۹-ثور) چین پایتختی پکنگه یېتیب باردی.
اسپوتنیک گزارشیگه کۉره، چین تشقی ایشلر وزیری وانگ یی روسيه جمهور رییسینی قۉنالغهده کوتیب آلگن.
جمهور رییس پوتین اوشبو تشریف دوامیده چین جمهور رییسی شی جین پینگ بیلن اوچرهشیب، مذاکرهلر اۉتکزیشی رېجهلشتیریلگن.
روسیه تشقی ایشلر وزیرلیگینینگ معلوم قیلیشیچه، ایکّی دولت رهبری ایکّی تامانلهمه علاقهلر، تورلی ساحهلردهگی همکارلیک همده خلقارا و منطقوي مسألهلرنی محاکمه قیلهدی.
بو تشریف دونالد ترامپ نینگ چینگه قیلگن سفریدن تخمیناً بیر هفته اۉتیب عملگه آشماقده.
جمهور رییس ترامپ و شی جین پینگ ایکّی تامانلهمه مناسبتلر، ایران اوروشی، تایوان مسألهسی همده یسمه آنگ بۉییچه مذاکره آلیب بارگن اېدی.
