امریکا قۉشمه ایالتلرینینگ کالیفرنا ایالتی جَنوبیدهگی «سندیگو اسلامی مرکزیده» قوراللی هجوم اویوشتیریلیشی عاقبتیده بېش کیشی، جملهدن ایکّی مظنون اۉلدیریلگن.
سیاناننینگ پولیسگه تهیهنیب خبر بېریشیچه، هجوم دوشنبه کونی (۲۸ثور) محلي وقت بیلن ساعت۱۱:۴۰ اطرافیده صادر بۉلگن.
واقعه جاییده فدرال افبیآی مخصوص ماموری مارک رمیلینینگ ژورنالیستلرگه تخمیناً۳۰ته اۉق اوزیلگنی نتیجهسیده اوچ نفر وایهگه یېتگن اېرکک، جملهدن مسجد قۉریقچیسی هلاک بۉلگنینی ایتدی.
دونالد ترامپ اوشبو هجومنی «دهشتلی حادثه» دېب اتهب، تېز آرهده وزیرلر محکمهسی اعضالری بیلن بیرگهلیکده واقعه تفصیلاتلرینی جدّي نظارت آستیگه آلیشینی بیلدیردی.
سندیگو پولیسی باشلیغی اسکات والنینگ ایتیشیچه، حادثه «نفرت جنایتی» یاکه «ایچکی تروریزم» صفتیده تېرگاو قیلینماقده.
او ژورنالیستلرگه هجومدن بیر نېچه دقیقه اۉتیب، واقعه جایی یقینیدهگی موتر ایچیدن ایکّی اۉسمیر ییگیت نینگ جسدی تاپیلگنینی، اولر اۉزلریگه اۉق اوزگن بۉلیشی ممکنلیگینی ایتدی.
پولیس معلوماتیگه کۉره، گماندارلردن بیرینینگ آنهسی بیلن همکارلیکده تاپیلگن یازووده «نفرت» حقیده سۉز بارهدی و بو هجوم نینگ احتمالي سببی صفتیده کۉریلماقده.
مذکور هجوم سندیگو اسلامی مرکزی نینگ بېش مینگدن آرتیق اعضالری آرهسیده کتّه قۉرقوو اویغاتگن.
بیراق پولیس بو «علیحده و نفرت ماتیویدهگی حادثه» اېکنینی، گماندارلرنینگ اۉلیمی بیلن واقعه یکونلنگنینی همده مسلمانلر جمعیتیگه قرشی فعال تهدید موجود اېمسلیگینی تأکیدلهدی.
سنديگو شهرداری تاد گلوریا نینگ ایتیشیچه، اوشبو مرکزده مسجد بیلن بیرگه دیني مدرسه هم فعالیت یوریتهدی و مکتبدهگی بالهلر ضرر کۉرمهگن.
«امریکا اسلامی علاقهلر کېنگشی» آلدینراق سیاسی قرمه قرشیلیک همده اۉرته شرق اوروشلری بیلن بیرگه امریکا قۉشمه ایالتلریده نفرت دن کېلیب چیققن جنایت مسلمانلرگه قرشی کۉپهیگن و کۉپینچه اسلامی مرکزلر امنیتی تدبیرلرنی کوچهیتیریشگه اولگورگنلر دېگن اېدی.
