طالبلر بیر اعلامیه نشر قیلیب، «مولانا ادریس» پاکستاننینگ اکوره ختکدهگی «حقانیه دارالعلومی» حدیث استاذیگه قیلینگن هجومنی اېنگ کېسکین سۉزلر بیلن قارهلهدی.
جیونیوز خبریگه کۉره، اوشبو پاکستانلیک روحاني بوگون اېرتهلب (سهشنبه، ۱۵-ثور) خیبرپختونخواه ایالتینینگ چارسده منطقهسیده قوراللی هجومگه اوچرهب اۉلدیریلگن اونینگ ایکّی همراهی اېسه یرهلنگن.
طالبلر سۉزلاوچیسی ذبیحالله مجاهد بیر اعلامیه نشر قیلیب ایتیشیچه، «طالبان بو هجومنی اېنگ کېسکین سۉزلر بیلن قارهلهیدی و عالِملرنی شهید قیلیشنی اسلام و علمالر دشمنلرینینگ ایشی دېب بیلهدی.»
او ینه قۉشیمچه قیلیشیچه، اوشبو پاکستانلیک عالِمنینگ اۉلدیریلیشی «علمي محیط، علمالر و بوتون اسلام عالمی اوچون کتّه و اۉرنینی تۉلدیریب بۉلمهیدیگن یۉقاتیش دیر.»
حقانیه دارالعلومی پاکستاننینگ خیبر پختونخواه ایالتی، نو شهر اولسواللیگی ترکیبیدهگی اکوره ختک حدودیده جایلشگن مشهور دیني تعلیم مسکنلریدن بیری حسابلنهدی. بو مدرسه پاکستاندهگی اېنگ تنیقلی دیني مرکزلردن بیری بۉلسه-ده، اونینگ اَیریم طلبهلری اېکسترېمیزمگه مایللیگی سببلی تنقید قیلینیب کېلهدی.
شونینگدېک، طالباننینگ بیر قطار یوقاری درجهدهگی رهبرلری هم عیناً شو مدرسهده تعلیم آلگن.
