ایران پارلمان باشلیغی محمدباقر قالیباف، امریکا و اونینگ اتفاقچیلرینی اۉت آچیشنی تۉختهتیش رژیمینی بوزیش همده قمل قۉللش آرقهلی هرمز بۉغازیده دېنگیز تشووی و انرژی ترانزیتی خوفسیزلیگینی خوف آستیگه قۉیهیاتگنلیکده عیبلهدی.
او بوگون اېرتهلب (سهشنبه، ۱۵ثور)ایکس اجتماعی ترماغیده یازگن پُستیده: «هرمز بۉغازیده ینگی موازنت شکللنماقده،» دېدی.
اونینگ ینه قۉشیمچه قیلیشیچه «امریکا و اونینگ اتفاقچیلری تامانیدن اۉت آچیشنی تۉختهتیش بوزیلیشی و قمل جاري اېتیلیشی نتیجهسیده کېمهچیلیک و انرژی ترانزیتی خوف آستیده قالدی؛ البته، اولرنینگ ضررلی حرکتلری کمهیهدی. امریکا اوچون حاضرگی حالتنی دوام اېتتیریش چیدهب بۉلمس، بیز اېسه حلی حتا باشلهگنیمیز هم یۉق.»
شو آرهده امریکا تامانی «پروژه آزادی» ناملی حربي تشبثنی باشلهگنینی معلوم قیلگن. (سنتکام) بیاناتیگه کۉره، امریکا بیراغی آستیدهگی ایکّی تجارت کېمهسی ناوشکنلر حمایهسیده هرمز بۉغازیدن موفقیتلی اۉتگن.
بیراق اېران تامانی بو معلوماتنی رد اېتگن.
امریکا و ایسرایل اۉرتهسیدهگی ایران بیلن باغلیق کېسکینلیک کوچهیگنیدن بېری مینگلب یوک کېمهلری و نفت تانکرلر هرمز بۉغازیده حرکتلنیشده قیینچیلیککه دوچ کېلگنی، بو اېسه جهان بازاریده نفت نرخینینگ سېزیلرلی آشیشیگه آلیب کېلگنی ایتیلماقده.
