امریکا قۉشمه ایالت مرکزي قومانانلیگی (سنتکام) نینگ معلوم قیلیشیچه، امریکا بیراغی آستیدهگی ایکّی تجارت کېمهسی هرمز بۉغازیدن موفقیتلی اۉتگن.
سنتکام بوگون (دوشنبه، ۱۴ثور) نشر قیلگن بیاناتیده، اوشبو کېمهلر حاضر خوفسیز طرزده اۉز سفرینی دوام اېتتیرهیاتگنینی بیلدیرگن.
شونینگدېک، امریکا مرکزي قوماندانلیگینینگ معلوم قیلیشیچه، راکت بیلن جهازلنگن موشک انداز ناوشکنلر (حربي کېمهلر) هرمز بۉغازیدن اۉتیب، «آزادلیک لایحهسی»نی قۉللب-قوّتلش مقصدیده فارس کۉرفزیده فعالیت باشلهگن. امریکا کوچلری تجارت کېمهلری ترانزیتینی قَیته تیکلش بۉییچه حرکتلرده فعال اشتراک اېتماقده.
دونالد ترامپ کېچه امریکا هرمز بۉغازیده قالیب کېتگن کېمهلرنی اۉتکزیش اوچون چارهلر کۉریشینی اعلان قیلگن اېدی. او بو تشبثنی امریکا، یقین شرق دولتلری و ایران تامانیدن عملگه آشیریلهیاتگن «انسانپرورلیک حرکتی» دېب اتهگن.
شوندن سۉنگ، (سنتکام) ایران تامانیدن دوام اېتهیاتگن دېنگیز قملیگه قرهمهی، کېمهلرنی هرمز بۉغازیدن اۉتکزیشده همراهلیک قیلهیاتگنینی معلوم قیلدی.
بیراق، اېراننینگ آگاهلنتیریشیچه، اگر امریکا کوچلری هرمز بۉغازیگه یقینلشسه یاکه کیریشگه اورینسه، اولر هجومگه اوچرهیدی.
شونینگدېک، بیر نېچه ساعت آلدین ایران اوردوسی آگاهلنتیرووچی طرزده قناتلی (کروز) راکتلر اوچیریب، امریکا حربي کېمهلرینینگ هرمز بۉغازیگه کیریشینی تۉختهتگنینی بیلدیرگن.
