سیاناننینگ خبر بېریشیچه، امریکا آتیش کېسین بوزیلگن تقدیرده ایراننینگ حربي رهبرلری و باشقه یوقاری لوازملی عملدارلرینی، جملهدن سپاهپاسداران باشلیغی احمد وحیدینی نشانگه آلیش تنلاوینی کۉریب چیقماقده.
منبعگه تهیهنیب اوشبو خبرنی یازیشیچه، امریکا حربي رېجهلشتیرووچیلری بو وریانتنی ایراننینگ فارس کۉرفزی و هرمز بۉغازیدهگی حربي صلاحیتینی نشانگه آلیش کبی باشقه سناریولر بیلن بیر قطارده ایشلب چیققن.
سیانان ینه شونی یازهدیکی، اَیریم امریکالیک عملدارلر فکریچه، ایران حربي رهبرلری همده ایران اسلام جمهوریتی ایچیدهگی اَیریم «تۉسقینلیک قیلووچی کوچلر» مذاکرهلرنی فعال روشده ضعیفلشتیرماقده.
امریکا مدافعه وزیرلیگینینگ بیر رسميسی سیانان گه بېرگن بیاناتیده عملیاتلر خوفسیزلیک سببلی کېلهجکدهگی یاکه احتمالي حرکتلر حقیده ایضاح بېره آلمهسلیگینی ایتگن.
شو بیلن بیرگه، او «امریکا اوردوسی جمهور رییس گه تورلی وریانتلرنی تقدیم اېتیشده دوام اېتماقده و برچه وریانتلر هنوز چوکی اوستیده توریبدی»، دېیه قۉشیمچه قیلگن.
بو بیاناتلر ایران و امریکا ۉرتهسیدهگی ینگی مذاکرهلر روندی کېنگ سعی-حرکتلرگه قرهمهی، شو هفته پاکستان نینگ اسلام آباد شهریده اۉتکزیلمهی قالگن بیر پیتده ینگرهماقده.
ایران مذاکرهلرده اشتراک اېتیش اوچون امریکا تامانیدن اۉرنهتیلگن دېنگیز قملینینگ بېکار قیلینیشینی طلب قیلگن اېدی. بیراق دونالد امریکا جمهور رییسی دونالد ترامپ، اوشبو قمل ایران بیلن یکوني کېلیشووگه اېریشیلمهگونچه دوام اېتیشینی بیلدیرگن.
