امریکانینگ «آکسیوس» یېتکرمهسی اوچ منبعگه تهیهنیب خبر بېریشیچه، امریکا جمهور رئیس اۉرین باسری جیدی ونس سهشنبه کونی اېرتهلب (اقش وقتی بیلن) ایران بیلن مذاکرهلر اۉتکزیش اوچون پاکستان پایتختی اسلام آبادگه یۉل آلیشی کوتیلماقده.
یېتکرمهگه کۉره، امریکانینگ یقین شرق بۉییچه مخصوص نمایندهسی استیو ویتکاف همده دونالد ترامپنینگ کویاوی جرد کوشنر هم اسلام آبادگه سفر قیلهدی.
حاضرگچه ایران امریکا بیلن کېینگی مذاکرهلر باسقچیده اسلام آبادده اشتراک اېتیشینی تصدیقلهمهگن.
شونگه قرهمهی، «آکسیوس»نینگ یازیشیچه، پاکستان، مصر و تورکيه ایراننی مذاکرهلرده قتنهشیشگه چقیرگن.
بیر منبعنینگ «آکسیوس» ایتیشیچه، ایران هیئتی اسلام آبادگه باریش اوچون مملکت یېتکچیسی مجتبی خامنهای (غلی خامنهاینینگ اۉغلی) نینگ رخصتینی کوتگن و بو رخصت دوشنبه کېچهسی بېریلگن.
ایران اوشبو مذاکرهلرده اشتراک اېتیش اوچون امریکا تامانیدن دېنگیز قملینینگ توگهتیلیشینی طلب قیلماقده، بیراق دونالد ترامپ بو قمل کېلیشووگه اېریشیلگونگه قدَر دوام اېتیشینی ایتگن.
اگر اسلام آباددهگی مذاکرهلر بۉلیب اۉتسه، اولر ایران و امریکا اۉرتهسیدهگی ایکّی هفتهلیک صلحنینگ سۉنگگی دقیقهلریده باشلنهدی.
پاکستان واسطهچیلیگیده اۉرنهتیلگن بو صلح چهارشنبه تانگیده یکونلنهدی و حاضرچه اونی اوزهیتیریشگه بۉلگن انیق اشاره یۉق.
