ایران جمهور رییسی مسعود پزشکیان، امریکا رسميلرینینگ سۉنگگی کونلردهگی یاندشووی بو دولت ایراننینگ تسلیم بۉلیشینی ایستهیاتگنینی کۉرسهتهیاتگنینی ایتدی، اما «ایران خلقی باسیم آستیده تسلیم بۉلمهیدی،» دېب تأکیدلهدی.
پزشکیان بوگون کېچقورون (دوشنبه،۳۱-حمل) امریکا بیلن مذاکرهلر حقیده ایکسده یازیب، شوندهی دېدی: «مجبوريتلرگه صادقلیک هر قندهی مذاکرهنینگ اساسي منطقي شرطی دیر.»
اونینگ قۉشیمچه قیلیشیچه: «امریکا حکومتینینگ اۉتمیشدهگی سیاستی و عملیاتی سببلی ایرانده چوقور تاریخي ایشانچسیزلیک موجود. سۉنگگی کونلردهگی امریکا رسميلرینینگ ناموافق و کانتروکتیف بۉلمهگن بیاناتلری اېسه اچّیق حقیقتنی کۉرسهتماقده: اولر ایراننینگ تسلیم بۉلیشینی ایستهیدی. ایران خلقی باسیم آستیده تسلیم بۉلمهیدی.»
بو بیاناتلر امریکا جمهور رییسی دونالد ترامپ، امریکا مذاکره هیئتی بوگون کېچقورون اسلام آباد، پاکستانگه یېتیب باریشینی ایتگن بیر پیتده ینگرهدی.
شو بیلن بیرگه، ایران حلی اوشبو مذاکرهلرده اشتراک اېتیشینی رسماً تصدیقلهمهگن.
