ایران تشقی ایشلر وزیرلیگی مطبوعات سۉزلاوچیسی اسماعیل بقایی، امریکانینگ ایران بندلری یاکه قیرغاق چیزیغینی قمل قیلیش حرکتی «نهفقط پاکستان واسطهچیلیگیدهگی اۉت آچیشنی تۉختهتیش کېلیشووینی بوزهدی، بلکه ناقانوني و جنایي حرکت حسابلنهدی»، دېدی.
ایران تشقی ایشلر وزیرلیگی سۉزلاوچیسی بوگون (یکشنبه، ۳۰ حمل) ایکس اجتماعی ترماغیده یازیشیچه، «امریکانینگ بو حرکتی بوتون بیر ملتنی جماعهوي جزالش نیتیده ایشلب چیقیلگن بۉلیب، اوروش جنایتی و انسانیتگه قرشی جنایت حسابلنهدی».
اونینگ ینه قۉشیمچه قیلیشیچه: «بو حرکت برلشگن ملتلر تشکیلاتی منشورینینگ 2-مادّهسی 4-بندینی بوزهدی و بیرلشگن ملتلر تشکیلاتی باش اسّمبلېیهسی نینگ 3314 (1974) قطعنامه سیگه کۉره، تجاوزکار حرکت حسابلنهدی».
امریکا اۉتگن هفته دوشنبه کونیدن باشلب ایران بندرلرینی عمان و فارس کۉرفزی حدودلریده قمل قیلیشنی باشلهگنینی بیلدیرگن همده بو بندرلرگه کېمهلرنینگ کیریب-چیقیشینی تۉسهیاتگنینی ادعا قیلگن.
ایران اېسه اوشبو قمل دوام اېتیشیگه جوابن هرمزنی یاپگنینی و بو بۉغاز مملکت قوراللی کوچلری تامانیدن قطعي نظارت آستیگه آلینگنینی اعلان قیلگن.
