آسترلیا عاموی اخبارات واسطهلرنینگ خبر بېریشیچه، بو مملکت نینگ اېنگ کۉپ مکافاتلنگن تیریک عسکری رابرتس اسمیت، افغانستانده حربي جنایت صادر اېتگنلیکده عیبلنیب حبسگه آلینگنیدن سۉنگ وثیقه عوضیگه آزاد قیلینگن.
اسبیاس نینگ خبریگه کۉره، او بوگون (جمعه، ۲۸حمل) محکمه اونینگ وثیقه حقیدهگی التماسینی قناعتلنتیرگچ، آزادلیککه چیقریلدی.
رابرتس اسمیت ۲۰۰۹-۲۰۱۲ -ییللر آرهلیغیده افغانستاننینگ ارزگان ولایتیده بېش نفر تینچ فقرانی قصداً اۉلدیریشده عیبلنماقده.
او ۱۸-حمل کونی سیدنې خلقارا قۉنالغهسیده حبسگه آلینگن و « سیلور واتر» قماقخانهسیده سقلنهیاتگن اېدی.
اسبیاس نیوزنینگیازیشیچه، او بوگون قماقخانه کییمیده و ویدېو ملاقات آرقهلی سیدنې دهگی « داونینگ سنتر» محلي محکمهسیده اشتراک اېتیب، وثیقه عوضیگه آزاد اېتیلیش حکمینی آلگن.
