بویوک بریتانيا باش وزیری کییر استارمر، مملکتی و فرانسه بو هفته خلق ارا کېمهچیلیک مسألهسی بۉییچه قۉشمه ییغیلیش اۉتکزیشینی ایتدی.
بویوک بریتانيا باش وزیری بوگون (دوشنبه، ۲۴-حمل) ایکسده یازیشیچه، اوشبو ییغیلیشده ماجرا توگهگنیدن کېین خلقارا کېمهچیلیکنی حمایه قیلیش اوچون موافقلشتیریلگن، مستقل و کۉپ ملتلی رېجه اوستیده ایشلنهدی.
اونینگ ینه قۉشیمچه قیلیشیچه، بویوک بریتانيا عمومي مقصد دېنگیزده اېرکین حرکتنی تیکلشنی کۉزلهگن 40 دن آرتیق دولتنی بیر جایگه جمعلهگن.
باش وزیر شو بیلن بیرگه هرمز بۉغازی نینگ یاپیلیب قالیشی جوده ضررلی اېکنینی تأکیدلب، گلوبل کېمهلرنینگ حرکتینی تیکلش یشش خرجتلری باسیمینی کمهیتیریش اوچون مهم اېکنینی ایتدی.
بویوک بریتانيا، هرمز بۉغازینی قَیته آچیش بۉییچه دولتلر موضعنی موافقلشتیریشگه حرکت قیلهیاتگنیگه قرهمهی، امریکا نینگ اوشبو سوو یۉلینی حربي قمل قیلیشیگه قۉشیلمسلیگینی معلوم قیلدی.
امریکا اېسه بوگوندن باشلب ایران پورتلریگه کیریب-چیقهیاتگن کېمهلرنی فارس کۉرفزی و عمان دېنگیزیده قمل قیلیشنی باشلشینی اعلان قیلگن.
ایران اېسه بو بندرلردهگی خوفسیزلیک یاکه همه اوچون بۉلهدی، یاکه هېچ کیم اوچون اېمس، دېب بیانات بېرگن.
