ایران تشقی ایشلر وزیری عباس عراقچی اسلام آباد مذاکرهلرینینگ موفقیتسیزلیگی حقیده ینگی ایضاحلر بېریب، شوندهی دېدی: «سۉنگگی۴۷ ییل ایچیدهگی اېنگ یوقاری درجهده اۉتکزیلگن زیچ مذاکرهلر جریانیده ایران امریکا بیلن اوروشنی توگهتیش اوچون مذاکرهلرگه یخشی نیت بیلن کیریشدی.»
عراقچی بوگون اېرته تانگده (دوشنبه،۲۴-حمل) ایکس ده یازگن پُستیده قۉشیمچه قیلیشیچه، «اما اسلام آباد کېلیشوویگه اتیگی بیر نېچه قدم قالگنده، بیز حددن تشقری طلبلر، مقصدلرنینگ دایمي اۉزگریشی و قمل تهدیدی بیلن دوچ کېلدیک.»
ایران تشقی ایشلر وزیری یکونده شوندهی یازدی: «کۉرینهدیکی، هېچ قندهی سبق آلینمهیپتی. یخشی نیت – یخشی نیتنی توغدیرهدی، دشمنلیک اېسه دشمنلیکنی کېلتیریب چیقرهدی.»
ایران و امریکا اۉرتهسیدهگی مذاکرهلر شنبه کونی کېچقورون اسلام آبادده پاکستان رسميلری واسطهچیلیگیده باشلنگن و یکشنبه تانگیده کېلیشووسیز یکونلنگن.
امریکا جمهور رییسی دونالد ترامپنینگ ایتیشیچه، تامانلر کۉپلب مسألهلرده کېلیشیب آلگن، اما ایران اۉزینینگ هستوي برنامهسیدن واز کېچیشگه تیار بۉلمهگن.
اوشبو مذاکرهلر ایکّی هفتهلیک صلح اعلان قیلینگنیدن سۉنگ اۉتکزیلگن بۉلیب، اونینگ موفقیتسیزلیگی اوروش قَیته باشلنیشی حقیدهگی خواطرلرنی کوچهیتیردی.
