ایران مجلسی رئیسی محمد باقیر قالیباف، اسلام آبادده امریکا بیلن مذاکرهلرگه رهبرلیک قیلگنینی ایتیب، ایران هیاتی«آلدینگه یۉنهلتیریلگن تشبثلرنی ایلگری سورگنینی، بیراق قرشی تامان بو باسقیچده ایران ایشانچینی قازانه آلمهگنینی» بیلدیردی.
او بوگون (یکشنبه، ۲۳حمل) ایکس ده یازیشیچه: «مذاکرهلردن آلدین بیزده یخشی نیت و ضرور اراده بارلیگینی تأکیدلهگن اېدیم، اما آلدینگی ایکّی اوروش تجربهسی سببلی قرشی تامانگه ایشانچ یۉق.»
قالیباف قۉشیمچه قیلدی: «امریکا بیزنینگ منطق و تمایللریمیزنی توشوندی، اېندی اېسه قرار قیلیشی کېرهک؛ بیزنینگ ایشانچیمیزنی قازانه آلهدیمی یاکه یۉق.»
او ینه شوندهی دېدی: «بیز کوچگه تهیهنگن دیپلوماتيهنی، حربي کورهش بیلن بیر قطارده، ایران خلقی نینگ حقوقلرینی حمایه قیلیش نینگ ینه بیر یۉلی دېب بیلهمیز و ملي مدافعه نینگ 40 کونلیک یوتوقلرینی مستحکملش یۉلیده بیر لحظه هم تۉختهمهیمیز.»
قالیباف «دۉست و برادر دولت پاکستان»گه مذاکرهلرنی آسانلشتیرگنی اوچون منّتدارچیلیک بیلدیردی.
ایران و امریکا اۉرتهسیدهگی مذاکرهلر پاکستان واسطهچیلیگیده کېچه اسلام آبادده باشلنگن و بوگون اېرتهلب کېلیشووسیز یکونلنگن.
بو مذاکرهلر ایکّی دولت اۉرتهسیده۴۰ کونلیک اوروشدن کېین اۉرنهتیلگن اۉت آچیشنی تۉختهتیش آرتیدن اۉتکزیلگن بۉلیب، ۲۰۱۵ییلدهگی هستوي کېلیشوودن کېینگی بیرینچی یوزمه-یوز اوچرهشوو اېدی.
