رویترز پاکستان منبعسیگه تهیهنیب خبر بېریشیچه، ایران و امریکا هیئتلری اۉرتهسیدهگی مذاکرهلر اسلام آبادده تۉغریدن-تۉغری و پاکستان اوردوسی قوماندانی عاصم منیر اشتراکیده اۉتکزیلگن.
خبرگه کۉره، امریکا تامانیدن مذاکرهلرده جمهور رئیس اۉرین باسری جیدی ونس، مخصوص وکیل استیو ویتکاف و دونالد ترامپ نینگ کویاوی جرد کوشنر اشتراک اېتگن. اېران تاماندن اېسه پارلمان رئیسی محمد باقیر قالیباف و تشقی ایشلر وزیری عباس عراقچی قتنهشگن. اوچرهشوو تخمیناً ایکّی ساعت دوام اېتگن، سۉنگ تامانلر تنفس اوچون اجرهلگن.
اوّلراق ایران یېتکرمهلری بو مذاکرهلر بالواسطه و پاکستان واسطهچیلیگیده اۉتهیاتگنینی بیلدیرگن اېدی.
اگر تصدیقلنسه، بو ۲۰۲۵-ییلده برجام امضالنگنیدن بېری ایران و امریکا اۉرتهسیدهگی بیرینچی تۉغریدن-تۉغری مذاکره بۉلهدی.
امریکا برجام کیلیشوویدن چیققنیدن کېین ایران نینگ رهبری علی خامنهای امریکا بیلن تۉغریدن-تۉغری مذاکرهلرنی تعقیقلهگن اېدی.
سۉنگگی بیر ییل ایچیده ایکّی تامان اۉرتهسیده عمان واسطهچیلیگیده ایکّی باسقیچ مذاکره اۉتکزیلگن بۉلیب، اولر هم بالواسطه طرزده بۉلگن.
