امریکا قۉشمه ایالتلری جمهور رئیسی اۉرین باسری جیدی ونس، اېران بیلن مذاکرهلرده امریکا هیاتیگه رهبرلیک قیلهیاتگن شخص، پاکستانگه کېلدی.
او اسلام آباددهگی «نورخان» خلقارا قۉنالغهسیده پاکستان اوردوسی باش قوماندانی عاصم منیر و تشقی ایشلر وزیری محمداسحاق دار تامانیدن کوتیب آلیندی.
معلوماتلرگه کۉره، امریکانینگ یقین شرق بۉییچه مخصوص وکیلی استیو ویتکاف و دونالد ترامپ نینگ کویاوی جرد کوشنر هم علیحده پرواز بیلن اسلام آبادگه یېتیب کېلگن.
اېران هیاتی هم بوگون تانگده پاکستان پایتختی اسلام آبادگه کېلگن اېدی. هیئتگه اېران پارلمانی رئیسی محمد باقیر قالیباف باشچیلیک قیلماقده.
ایکّی دولت اۉرتهسیدهگی مذاکرهلر بوگون اسلام آبادده، پاکستان واسطهچیلیگیده باشلنیشی رېجهلشتیریلگن.
