کویت سوو برق وزیرلیگینینگ معلوم قیلیشیچه، کویتده ایکّیته برق استشن و سوونی شرین قیلیش تاسیساتی درون هجومیگه اوچرهگن.
کویت تایتمیزنینگ خبریگه کۉره، وزیرلیک بوگون اېرتهلب (یکشنبه،۱۶حمل) اوشبو هجوملر کتّه ضرر یېتکزگن و نتیجهده ایکّی برق ایشلب چیقریش بلاکی ایشدن چیققن.
بوندن بیر نېچه ساعت آلدین کویت سوو برق وزیرلیگی، وزیرلیکلر مجموعهسی ایران تامانیدن اویوشتیریلگن درون هجومیگه اوچرهگنینی تصدیقلهگن اېدی.
اوشبو وزیرلیکنینگ قۉشیمچه قیلیشیچه، مجموعه بناسیگه سېزیلرلی ضرر یېتگن، اما آدملر آرهسیده قربانلر یۉق.
کویت سۉنگگی کونلرده اۉزینینگ نفت و انرژیگه قرهتیلگن بیر نېچه درون هجوملریگه گواه بۉلماقده.
جمعه کونی هم مملکتدهگی بیر نفتنی قَیته ایشلش فابریکهسی درون هجومیگه اوچرهب، یانغین یوزهگه کېلگن اېدی.
